Дубурланти къияндешуназибадли урухкIути ахIен, улкали жиалли, илди бусягIят илала хъархIерагардеш батахъес дурабулхъути саби. ГIергъиси замана Украинализир кадиркути дявила анцIбукьуназирра илдани жигарла бутIакьяндеш дирули, игитти баркьудлуми дурадуркIули сари. Илис бикьридеш дирути сецад-дигара мисалтира гьандушес вирар.

Дахадаевла районна Кудагула шилизивадси Кьурбан Рабадановли 2022 ибил дусла февральла 24-личирадли ишбархIиличи бикайчи Россияла Федерацияла Ярагъладарибти цIакьанала гIяскуртала къяяназир дявила хъарбаркьуни тамандирули, СВО-лизир бутIакьяндеш дирули сай, сарира Украинала Херсонна областьлизир детурхути.

Сунела гьала тIашдатурти дявила хъарбаркьуни тамандирухIели, ургъанни сай урехиагарси ва сегъунти дигара къияндешуни дяхIяэс хIядурси виъни чебаахъиб.

Ишдусла май базличив Дагъиста халкьанала гьалар дакIударибти игитти баркьудлуми багьандан Кьурбан Рабаданов Мургьила Зубари орденниичил шабагъатлавариб ва «Дагъиста Халкьла Игит» ибси у бедиб.

Илгъуна чебяхIси уличи лайикьикибси кудагулан гIяхIгъабза мубаракварес лайикьли сай. Илис ва иличил барх дунъяличиб даршудеш калахъес багьандан фашизмаличи къаршили бургъути багьадуртас арадеш булгехIе. Илди чедибдешра сархили, жяв-жявли чула хъалибаргуначи чарбухъаб.

Дахадаевла районна администрацияла пресс-служба