Ахъушала районна ХIерхмахьила шантани дявила хасси балбуцла бутIакьянчибас кумек цалабяхъиб ва бархьиб.
Посылкализи кадерхур гьар бархIила гIямрулизир хIяжатдиркути секIал, умудеш гIеббурцути гIягIниахълуми, берк-бержла продуктуни, илкьяйдали ванати палтар ва кагъурти. Ил хIяракат бетерхахъурсири дявила хъарбаркьуни тамандирути бургъантала кьисматличи уркIи изути шантала икьалаличил.
Цалабяхъибси кумек СВО-ла мер-мусаличи бархьахъес кумекчибала (волонтер) центрлизи бедиб. ХIерхмахьилантани нушала бургъантас уркIи-уркIилабад баркалла балахъули саби ва Чедибдешличил жяв-жявли хъули чарбухъи дигни иргъахъули саби.