Хайдакьла район­на бекI Запир ХIяса­новли дявила хасси балбуцла бутIакьянчи Жа­ма­лутдин НурмяхIям­ма­довлис «Гъабзадеш багьандан» ибси медаль бедиб.
Медаль бедлугнила балбуц районна бекIла кабинет­ли­­зиб бетерхур. Медаль беди­ли гIер­гъи, З.ХIясановли ур­­­гъан­ни­чил ва илала узичил их­­­­тилат ду­раберкIиб, арадешличила хьархъардяхъиб, хъалибарг­лис чеимцIаси кумек хIя­жат­лил хьарбаиб.
«Гьанна хIед бегIлара бекI­­­­либиубсигъуна – арадеш къу­лайбарни. Жявли аравиубли дигулра. Рахли хIед яра хIела гъамтас районна администрацияла кумек хIя­жат­бикалли, дугьаизес вируд. ХIела масъулти гьунчиди­кахъес нушани ди­руси­гъуна би­рехIе», — буриб Запир ХIя­са­нов­ли.
Балбуцличир илкьяйдали районна бекIла заместитель Заур Нагьбаровлира, районна депутатунала Собраниела председатель МяхIяммад Мя­­хIям­мадовлира, районна Жа­мигIятла палатала председатель Самурхан Самурхановлира, районна ветерантала Советла председатель ХIяжимурад ГIяб­дул­­ха­ликьовлира бутIакьян­деш дариб ва ургъан шабагъатличил мубараквариб.
БусягIятла замана СВО-ла бутIакьянчи Жамалутдин Нур­­­­мяхIяммадов хъулив сай арадеш сагъбирули. Ил хIя­бал биш­тIатала хала дудеш сай. ДурхI­нани ва дурхIнала дурхI­нани ил къайгъначил алаву­цили сай ва илала арадеш гIяхI­­бухъахъес кумекбирули саби.