Дахадаевла районна ИцIарила шилизибадти узби МяхIяммадли ва ШяхIбай Курск шагьарлизибти адамтас кумек гIеббиахъули саби.

Москвализиб хIербирути ицIарилантани илгъуна гапла баркьуди дурабуркIни бахълис гIибратли бетаурли саби. Илди жагьилти шайчиб кахIелун Курсклизиб хIербирути адамтас къияндикибхIели ва гуманитарный кумек гIеббаахъиб.

Илди Курсклизи 10 тонна берк-бержла продуктунала духили бякьун. ИшхIелла манзиллизиб дубурланти илкьяйдали кумекличил музабулхънила баркьуди гIядатли бетаурли саби.

МяхIяммадлара ШяхIбара баркьудили бахъалгъунти адамти илдалагъуна гIяхIбаркь дураберкIахъес хьулбулхъахъули саби. Кумекличи хIяжатдеш лебти халкьлис камти адамтанира гIяхIдеш барес бирни якьинбариб узбани. Илгъуна баркьуди дураберкIибти узбас баркалла багьахъес лайикьли саби.

Сахаватдешлизиб ва уркIбала малхIямдешлизиб бурибти дахадаевлантани ил баркьуди гIеббурцниличи вирхес вирар. Гьанналаубра илдани чуйнара къияндикибтас кумек гIеббаахъибси саби. Гьаннала гIергъира узби МяхIяммадла ва ШяхIба гIяхIбаркь гIеббуцили, къияйзи бикибти адамтала гIямру гIяхIла шайчи дарсдарести имканти дургу илдани. Илкьяйдали къияндикибти гIеббурцнили адамти-ургарти бархбасунира чIумадирахъу.

Дахадаевла районна администрацияла пресс-служба