Гьалабван Ур­ка­рахъиб СВО-ла ургъан ГIялибулат ХIясайниевлис дявилизив декIарухъни ба­гьан­дан IV-ибил даражала Георгийла къанч бедиб. Ил ахъси ша­багъат СВО-ла дазуличир да­кIу­дарибти гъабзадеш, адам­деш багьандан бедибси саби.
Асилси ургъаннис шабагъат бедес пикрибарили Дахадаевла районна бекI МяхIяммад ГIябдулкьадиров, Дахадаевла ва Хайдакьла районтала дявила комиссариатла бургъанти жибируси отделениела начальник Мя­хIяммад Пашаев, Дахадаевла районна культурала отделла начальник Рабазан ХIясайниев ГIялибулат ХIясайниевла юртлизи бакIиб. Илдани ургъанна гьунартас ур­кIи-уркIилабад баркалла ба­лахъулри.
Сай-гIяхIъулали СВО-ла дазуличи арякьунси ургъан вяхъили, бусягIятла замана сунела юртлизиб арадеш къулайбирули хъулив сай.
Гьунибаъниличи бакIибти гIяхIлани ГIялибулат ХIясай­ниевлис орденра бедиб, ванати дугьбира дуриб, жявли аравиахъес дигниличилара багьахъур. Асилси ургъанни сунечила хъумартурли улкалис къуллукъбирниличила, игит­дешличила, селилра барсбарес хIейруси гъабзадешличила бурулри илдани.
ГIялибулат ХIясайниевли гIяхI­лас баркалла багьахъур: «Улкалис гьамадли ахIенси манзиллизиб ВатIа гьалабси чебла нуни асилдешличил ахъилра», — викIулри ил цалабикибтала гьалав гъайулхъули. Вяхъили, аравиэс гьамадли хIебиалра, уркIи-хIяллизив чIумали виъниличила бурулри илини сунечи бакIибти гIяхIлази, жавабкардеш дихути хIянчизартази.
Дахадаевла районна администрацияла пресс-служба