Сергокъалала районна бекI Арсен МяхIям­мадовла кабинетлизиб ГIябдуллагь ТIай­гибовличил гьунибаъни бетерхур.
Гьунибаънила мурад биалли, Украинализиб дура­бур­кIуси дявила хасси балбуцлизир бутIакьяндеш да­рес ГIябдуллагь ТIайгибовли вягIда къулбасбарни сабри.
Нушала улкала кьасани гIердурцули, СВО-лизи аркьуси ГIябдуллагь ТIайгибовлис, илала гъабзадеш ва ВатIайчи диги багьандан, Арсен МяхIяммадовли халаси баркалла багьахъур. ГIяймаумахьилизивадси гIяхIгъабзас районна бекIли чIумаси арадеш, сархибдешуни ва гьарбизуни далгун.
Улкала кьасани гIердуцес аркьуси ГIябдуллагь ТIайги­бовлис Сергокъалала районна администрацияла шайзибад Арсен МяхIяммадовли арцла шабагъатра бе­диб.
Чедибдешра сархили, лебил нушала гIяхIгъубз­на­чил варх ГIябдуллагь ТIайгибовра ара-сагъ­ли чарухъаб!