Гьалабван МяхIячкъала шагьарлизиб «ДР-ла дусла учитель – 2025» бикIуси республикала кьадрила учительти-ургаб бетурхуси конкурс дураберкIибсири.

Ил конкурсла ахирласи бутIаличи бетаибтири декIар-декIарти предметунала 11 учитель. Илдани дурхIнала багьуди гьалабяхI арбукес, илдала белчIудиличи диги адикьес багьандан сегъуна методикаличил дурсри кадирхьес гIягIнилил, сегъунти сагадешуни лерал иргъахъути тяхIяр-кьяйдаличила буриб.

Ил конкурслизир бутIакьяндеш дариб Ахъушала  цаибил урга даражала  С.М.Кировла уличилси школализив физикала дурсри кадирхьули узуси СягIядулла Къараевлира. Пагьмучевси, сунела санигIят ункъли бяркъурси СягIядуллагь ХIямзатович ил конкурсла ахирласи бутIаличи ветаибсири.

Конкурслизир бутIакьяндеш дирутани, дурхIначи дигичебти учительтани чула пагьмурти, санигIятлизир устадеш ва багьуди чедаахъиб.

СягIядулла Къараев «ДР-ла дусла учитель — 2025» бикIуси конкурсла Лауреат ветаур, ДР-ла багьудила ва гIилмуртала Министерствола шайзивад Дипломличил шабагъатлавариб.

Илгъуна ахъси даражала шабагъатличи лайикьвикибси СягIядулла Къараев мубараквирулра ва гIурра сунела гIямрулизир, бузерилизир сархибдешуни имцIадикIули дигулра!

С.ГIябдуллаева