ИсмягIилова Разият МяхIяммадзагьировна акIубси сари Ахъушала шилизир хIурматла хъалибарглизир. Разиятла дудеш МяхIяммадзагьир МяхIяммадхIяжиев бахъли вала гIяхIси, малхIямси адам сайливан, ил гIяхIцадхIи жавабла къуллукъуначив, организацияла руководительли узули калун.

Разиятла неш Аматулла ХIясанова ветстанциялизир лабораториялизир рузули сари, малхIямси, гIяхIти хIял-тIабигIятла, паргъатси хьунул адам сари. Халаси хIурмат сархибси хъалибарг саби илдала.

Разият 2017 ибил дусличирад Ахъушала шилизибси дурхIнала анхълизир рузули сари. Ил малхIямси, дурхIначи дигичерси, биштIатачи хIеруди жагали бируси, илдази гIяхIси бяркъ касахъес къайгъичерси, санигIятлис марси адам сари.

Разиятли сунела гIямрула вархкья Кьадичил барх урши-рурси абилкьули сари.

ИсмягIилов Кьади Мусаевич дахъал дусмазив Ахъушала районна администрацияла счетная палатализив инспекторли узули сай. Илини сунела хIянчи жавабкардешличил бирули вирар.

Илдас чула гIямрулизир ва бузерилизир сархибдешуни имцIадикIули хIербиэс кьадарбиахъаб Аллагьли!

Сабият ГIябдуллаева