Иш жумягIлизиб Ахъу­­­шала районна ад­­министрацияла бекI­­­ла заместитель Эльвира ХIя­­­сан­­хIусейновала бекIдеш­лиуб­­ умудеш гIеббурц­нила ва чей­­хъути излумас къаршидеш дир­­нила комиссияла засе­дание бетерхур.

Ахъушала районнизирти ил шайчирти аги-кьяйдала хIекь­­лизирти багьахъниби гьа­ла­дирхьули, гъайухъун ДР-ла шайчибси РФ-ла Роспотребнадзорла Лавашала районнизибси Управлениела ру­ководитель СултIанбек Амиров.
«БусягIятла замана Ахъушала районнизиб, Дагъистан Республикализиб кьяйдали, ко­ронавирусли зягIипбикибти агара. Ил изайзибад мяхI­кам­де­ш бирнила шайчирти тя­хIяр-кьяйдаличила районна халкьлизи бурес чебиркур. Респуб­ликала, улкала, хаслира — коронавирус тIинтIбиубти улк­нази, хIебашахъес гIягIнили саби. Районна лерилра учреждениебазиб, организациябазиб, школабазиб коронавируслизибад мяхIкамдеш бирнила шайчиб иргъахънила хIянчи дура­бер­кIес хIяжатли саби», — викIи ил.
Комиссияла заседаниеличив илкьяйдали гъайухъун Ахъушала ЦРБ-ла бекI тухтур МяхIяммадамин СягIидов. Илини районна центральная больницали чейхъуси изайчи къаршити дармунти ва чейхъути излумала отделениелизир декIарти палатаби лерниличила­ цIакьбарили буриб.
«Ахъушала район» МО-ла ­багьахънибала политикала ­шайчибси управление