Лавашала районна админист­ра­ция­ла актовый зал­лизиб муниципалитетла бекI Ша­мил Дабишевли жа­гьил­тала организациябала ку­мек­чиби (волонтерти) ша­ба­гъат­лабирнила балбуц ду­рабер­кIиб. Илала бузерилизиб бу­тIа­кьяндеш дариб районна бекIла цаибил заместитель ГIяб­дусалам Дибировли, жа­гьил­тала ва туризмала шай­чибси отделла начальник Заур ХIяжиевли, физическая куль­турала ва спортла шай­чибси отделла начальник Мя­хIям­мад­расул Васкаевли.

«Район къулайбирнила ва шинишбирнила шайчибси «Шиниша километрти» би­кIуси балбуцлизир жигарчерли бутIакьяндеш дарни багьан­дан» ХIурматла Гра­мота­бачил шабагъатлабариб 25 кумекчи, илкьяйдали илдас бекIдешдиранти ХIяжи­му­рад Му­саханов ва Наби Мур­ту­за­гIя­лиев.
Шамил Дабишевли балбуцла лебилра бутIакьянчибас, асилси бузери ва районна жамигIятла гIямрулизир жигарла бутIакьяндеш дирни багьандан, баркалла багьахъур. Кумекчибала ва цархIилти активистунала икьайчил Лаваша-МяхIячкъала гьунила дубкад 1000-цад мархIя удатниличила цIакьбарили буриб.
ГьанбиркахъехIе, гьалабван Лавашала районнизиб «Ши­ниша километрти» би­кIуси балбуц бетерхурсири. Ил мягIничебси балбуцла бутIа­­кьянчибили бетаур жа­гьил­­тала организациябала «Че­дибдешла кумекчиби», «Юнармия» ва «Цаси Россия» партияла мерличибси отделениела вакилти.