Жагьилтала “Ма­шук 2019” маж­лисла 3-ибил бу­тIа­­лизир бутIакьяндеш дариб Ла­вашала районна вакил­та­ни­ра.

Илкьяйда, СКФО-ла бай­рам­ла БархIи мажлисличи ба­кIиб­ Лавашала районна бекI Ша­­мил Дабишев, илала цаибил за­­­меститель ГIябдусалам Ди­би­­ров, Лавашала районна ад­ми­­­нистрацияла жагьилтала ва куль­­турала отделла вакилти. Ил бай­рамла дазурбазиб, Рос­си­я­ла Президентла Северный Кав­­казлизивси вакил Алек­сандр Матовниковличил ва Рос­­си­я­ла Северный Кав­каз­ла ми­нистр Сергей Чебо­та­рев­­ли­чил къар­ши­бикиб маж­лисла бу­тIа­кьян­чиби.
Илаб «Цагъунти ихтиюртала­ ихтилат» бетаур маж­лис­­ла бу­тIа­кьян­чибала. Ил­да­ни чула проек­туначила бу­­риб, ва  жиба­риб­ти гIяхI­ла­зи­ мягIничерти суал­ти хьардаиб. Суалти им­цIа­­­ливан дарх­­­дасири жагьилтала де­кIар-декIарти далдуцуначил ва ГТО-ла пикрумачил.
Их­­­­тилат бетурхахъулри ДР-ла Пр­а­вительствола Предсе­да­­тель А.Здуновли, ДР-ла жа­­­гьилтала къуллукъунала шай­­чивси министр К.Ся­гIи­дов­­­л­и ва Лавашала районна­ бекI Ш.Дабишевли.
А.Зду­­­­­новла гъай хIясибли, бу­­­тIа­­­кьян­чибала проектуни гIям­­ру­­лизир детерхахъес чула шай­­­чи­бад бирусигъуна кумек гIеб­ба­ахъили бирар­, се­на­хӀенну илди улкалис мягӀ­ни­чер­ти ва гӀягӀ­­нити сари.
Мажлисличиб илкьяйда культурала программа чеба­ахъиб Лавашала районна ва­­килтани, хаслира — админист­ра­цияла культурала отделла фольклорла ансамбльли. Илдани мажлисла май­дай­­чир халкьла палтарла жа­га­­деш чебаахъиб, ва халкьла са­ни­гIя­тунала экспонатуни гьа­­ла­ди­хьиб.