ХIера, августла 23-личир хIя­бал дус дикили сари Ша­милла районнизиб жагьилти узби букIуни ХIясанхIусейн ва Наби ХIя­сан­­­­хIусейновхъали кабушила.

ХIябал дусла бухIнаб следствиели гIяйибла бегI­ти бар­­гили ахIен, РФ-ла Президент В.Пу­тинни дело Рос­сияла Следственный комитетла бекI Александр Бастрыкинничи хъар­бар­ниличи хIер­хIеили. Дагъиста сагаси БекI­ли итхIели иб­­сири: «…ЦIяб­деш­­лизиб ил­ди (спецназ) ха­­­тIа­б­икили бур­гар…». Сен ил­кьяйда иб­сири илини иб­си суайс жаваб, дила пик­ри­ли гIячихъли саби.
Чуйнара уршбала дудеш МуртазагIяли ХIясанхIусейнов тах шагьарла Правительствола гьалабси майдайчи дуравхъун, амма барсдеш хIебиуб.
БегIтала децI бутIес хIядурти, амма се ба­ралли гIяхIсил хIебалути бахъал сабри ит­хIели адамти. Гьан­­буршехIе, «ГIумра хIяж» проектла сипталичил илди хIяжлизи бар­хьес арц дурчес бехIбихьибтири. Бахъли илди гIеббуциб ва кумекба­риб. Арц дурч­ниличила багьахъурли чумал минутла гIергъи, ца адамли (сунела у хIебурили) диъ­хIедиути арцла кьадар дархьили ил арц цаладирхънила баркьуди кьяпI­кабарибсири. Гьарил барибси гIяхIдеш чарбируси саби. «Нушаб хIяжлизи дукьяхъес кумекбарибти лебтасалра балга бирис… Дила уршбас гIумра бирис…», — буриб кабушибти узби ХIясанхIусейновхъала ду­дешли. Ишдус кабушибти узбала бегIти хIяж­лизи бякьун.
МуртазагIялис ва ПатIиматлис путевкаби дедиб. ХIяжлизи гьайбиубхIели, гьунчиб сабри гIязизси нешла дяхIличиб бегI гьалаб гъинчIбяхъ дакIубиубси. Илдани хIяж дураберкIили хъули чарбухъун. ЧевяхIси Кьудратла ВегIли дурхъадарибти мераначиб илдани ряхIятдеш баргниличи ва илдала хIяж кьабулбирниличи уркIи-уркIиларад рирхулра. Лебилра бусурманти жибараб ЧевяхIсини хIяжлизи, ва лебталалра хIяж кьабулбараб. Амин!