Дагъистайзиб бегI гьалаб дура­бер­кIиб Каспи урхьулис гъам­ти улкнала ва Россияла ре­гионтала «ГIя­датунала те­атр­ла» халкьла театртала фес­­тиваль. Ираннизибадси, Азер­­байд­жан­низибадси, Ка­захстаннизибадси, Рос­сия­­ла регионтазирадли ил куль­ту­рала халаси маж­лис­лизир бу­тIакьяндеш да­рес дакIибти пагь­муртала кол­лективтани Россияла ре­гион­та­лара Каспи урхьулис гъамти улк­налара халкьла театртала ургабси бархбас чIу­мабиахъуб.

Фестиваль дураберкIиб театрла дусла дазурбазиб НКО-ла «Ардякьунти наслубазибад касибси рухIла, гIямрула, яшавла кабизла культура» иб­си Фондли РФ-ла культурала Министерствола, ДР-ла культурала Минитерствола кумекличил.
Фестиваль ибхьнила балбуц бетерхур М.Горькийла ули­чилси Урусла драмтеатрли­зиб. ХIербикIутани чедаиб театр­тала ва драматический коллективтала чула мезаначил ка­дихьибти гIяхIти постановкаби. Илди сарри театртала гIя­да­тунала далдуцуни, комедияла представленияби ва халкьла драмаби ва цархIилти.
Чула пагьмуртачил да­гъис­танланти ра­зи­бариб Къа­ра­ча­ево-Черкесияла, Север­ная Осе­тия-Аланияла, Калмыкияла, Став­ро­польла крайла, Астраханьна, Ростовла, Са­­ратовла ва Ярославльла областунала, Москвала театртала коллективтани. Россиялацун ахIи, Азербайжанна, Казахстанна ва Иранна гIяр­тистунанира фестивальличир чула пагьмурти чедаахъиб.
Фестивальличи бакIибти гIяхI­лас миллатла берклуми дуртIутири. Дигесири дахъал миллатунала адамтани чула халкьанала гIядатуни чедетаахъили дяркъурли диънира.
Фестивальла бу­тIа­кьян­чи­бала пагьмуртани халкьла культура мяхIкамбирнилизиб театрла кьадриличила иргъа­хъул­ри.
«Нуша бегI гьалар коллективличил Дагъистайзи 2013 ибил дуслизир дакIибтири «Биш­тIати дубурланти» би­кIу­си регионти-ургабси фес­тивальличи. ИлхIейчирадли гIяхI­цадла имцIадиубли сари илдигъунти далдуцуни. Илди халкьани-ургартили детаурли сари. ГIяхIти гIяхIялдеш дарибти ва къугъали далдуцуни гIердуцибти дагъистанлантас баркалла балахъулра», — или буриб Кал­мыкия Республикала Черноземельский районна булхъантала «Цецг» ансамбльла руководитель С.Дояновани.
Илкьяйдали гIяртистунани чула пагьмурти чедаахъиб Избербаш, Хасавюрт, Каспийск шагьуртазир ва Новолаклара Къизларлара районтазир. Фестивальла гIяхIли тянишбиуб нушала республикала культураличил ва гIядатуначил.
Фестиваль дура­бер­кIиб­­сири халкьани-ургарти гьал­магъдеш ва юлдашдеш им­цIа­дирахънила Каспи урхьула мякьларти республикабира Рос­сияла регионтира уржахънила мурадличил. Илдигъунти далдуцунала кумекличил чеалкIуси наслула вакилтас имкантира алкIахъули сари халкьла театртачил гъамли тянишбиахъес ва илдачи диги имцIадиахъес.