Дагъистаннизиб арадешла аги-хIял вайтIабикибтала лугIи бархIиличи-бархIи имцIабикIули саби, амма зягIиптас чулицун белгибарес къиянни саби сегъуна изайзи бикилил: грипплизи, COVID-19 бикIуси коронавирусла чейхъуси изайзи яра тяхIувяхънила изайзи (ОРВИ). Якьинни багьес багьандан, тухтурличи дугьаизес чебиркур.
Коронавирусла чейхъуси изала чекасибтас саби хIербируси мерличибси поликлиникализиб арадеш мурхьли ахтардибарес имканбикIур. Илис регистратурализи дугьаизес гIягIниси саби. Илкьяйдали «Госуслуги» бикIуси порталла кумекличил тухтурличи укьес, сунела ура белкIахъес хIяжатбиркур.
Республикала чейхъути излумала центрла специалистунани мяхIкамдешла далдуцуни дурадуркIес чараагарси биъниличила гьанбиркахъули саби. Изайзибад мяхIкамдеш бирнила бегIлара асарчебси тяхIяр — вакцинация. Амма цархIилти тяхIуртира далдурцес чебиркур — бахъал адамти цалабиркути мераначи камли вашес, изала лишанти дагьардухъунхIели, хъулив уэс.
