Дагъистаннизи бузерила архIя дураберкIибхIели, СКФО-лизивси РФ-ла Президентла АрагIерти ихтиюртачилси вакил Юрий Чайкани Къаякентла районна Первомайское шилизибадси бахъал дурхIнала бегI Кьурбановхъала хъалибаргличил гьунибаъни дураберкIиб.
Гьунибаънила дазурбазиб, илини хъалибарглис чебяхIси шабагъат – «БегIтала асилдеш» орден бедиб, сабира верхIел ва имцIали дурхIя абилкьути Россияла декIар-декIарти регионтазирадти хъалибаргунас бедлугуси.
Бурес чебиркур, гьалаб Кьурбановхъала хъалибаргли РФ-ла Президент Владимир Путинничилси «бархьаначиси эфир»-лизир бутIакьяндеш дарибтири. ИлхIели пачалихъла БекIли халаси ва чIумаси хъалибарглис бяркъ бедлугути бегIтас баркалла багьахъурсири.
