Даргала театрлизиб Грузияла ли­те­ра­турала классик Да­вид Кл­диашвилила повесть хIя­­сиб­ли, бегI гьалаб дарган мез­ли «Ма­чеха Са­ма­нишвили» би­кIуси спектакль гьа­ла­би­хьиб.

Гьалаб-гьалаб «Мачеха Саманишвили» спектакль 1982 ибил дуслизиб Ленинградлизибси драмала Халаси театрла сценаличиб чебаахъибсири. КIинайс биалли, нушала улкала жура-журала мераначиб адамтас ил гьалабихьиб.
Повестьла авторли бекI игит ихкьяйдали чейахъули сай: «Бекина Саманишвили, как ни странно, был бедным дворянином и знатным бедняком». Халаветаибси игит Бекинани (роль бузахъуси НурбяхIянд Идрисов) хьунул ребкIили гIергъи, гьачам-гьатIи хъайчикайэс кьасбарили сай. Ил хабарагарси хабарли Бекинала хъалибарглизир ва гьалмагъуни-ургар дахъал жура-журала анцIбукьуни кадиркахъули сари. Ил хабар аргъибхIели, вегIлара вачавархибси Бекинала урши Платон (роль бузахъуси ДР-ла халкьла гIяртист М.НухIов) ва илала хьунул (роль бузахъуси Рашидат ИсмягIилова) сабри. Илди дудешличил барх хIербирутири ва ца хозяйство бузахъусири. Жагьсиличи хъайчикайалли, ил вебкIибхIели байхъала мас хьунуй арху, рахли хIебкIили, виштIасира акIалли, иличилра мас бутIес хIяжатбиркур или Платон кьакьавакIилри.
ИлхIели Платонни ва илала хьунуй дудешлис жагьси, шери рякьунси, амма дурхIя агарси хьунул раргес кьасбирули саби. Ил анцIбукь спектакльлизиб бегIлара дукелцIидухъеси ва тамашаласи саби.
Спектакль гIямрулизиб бетерхахъурсири «Цаси Россия» ВПП-ла «БиштIаси ВатIа культура» бикIуси проектла дазурбазиб.
Жура-журала масхурти, жа­гати далуйти, делхъани сунези духIнадуцибси спектакль адамтас дебали гIяхIбизур. Ил­кьяйдали жагали ролани ду­захъулри театрла бурибти гIяр­тистунани: Шамил Шамиловли, Аминат Дацциевани, ГIябдуллагь Ризвановли, ХIясанкьади Рабазановли, Салимат Шагьмандаровани, Басират ГIябдуллаевани ва цархIилтанира.
Спектакльлизирти жагати Гру­зияла макьамтани адамтас та­машала хIялани пешкешдариб.
Дебали дигеси анцIбукьли бетаур дурхIнас спектакльличи Пушкинна карта хIясибли букьес имканбакIнира.