Лавашала районна депутатунала Собраниела сессияличиб, конкурсла комиссияли гьаладихьибти баянти хIясибли, Шамил Дабишев районна бекIли ветаур или багьахъур.

Сессияла бузери­лизир бутIакьян­деш дариб ДР-ла Пра­ви­тельст­вола Пред­­­седательла Цаи­бил за­­меститель Рус­лан ГIя­лиевли, ДР-ла БекI­­ла бухI­­­­набси по­литикала Уп­рав­лениела отделла начальник Амир М­я­хIям­ма­довли, ДР-ла Халкьла­ Соб­раниела депутат Мух­тар ХалалмяхIяммадовли, жа­ми­гIятла организация­ба­ла вакилтани, шимала бургани ва цархIилтани.
Депутатунани цауркIли гIевуциб чула районна бекI Дабишев Шамил МяхIяммадович.
Сунела яргализиб, Ш.Дабишевли районна депутатунас халаси баркалла багьахъур, сунечи игьдибарбихьнилис, ва район гьарил шайчибад гьалабяхI арбукес гIуррара къайгъибирис или буриб.
Руслан ГIялиевли ва Амир МяхIяммадовли пикри бяхIчиаиб социальный бяхIчибизлизирти ва экономикалашалти районна хIясилтачи. Илдани ДР-ла руководствола шайчибад, илгъуна сабухъчебси бузери дураберкIнилис, Ш.Дабишевлис халаси баркалла багьахъур, ва челябкьлализирра гьарбизуницун далгун.
Районна администрацияла пресс-служба