Гьалабван Дагъистанна па­чалихъла тех­ничес­кий­ уни­верситетлизиб «Яр­­­мар­ка выпускников – 2022» би­кIу­­си балбуц бетерхур. Ил рес­пуб­ли­кализибси багьудила Дусла да­зур­базиб дураберкIибсири.

Балбуц ДГТУ-ла ректорла къуллукъуни заманалис дузахъуси Назим Баламирзоевли абхьиб. Илини выпускникунас гIяхIси белчIудилис, университетла гIямрулизир жигарла бутIакьяндеш дарнилис баркалла багьахъур ва хIунтIена дипломра «ДГТУ»-ла отличник» ибси лишанра касниличил му­баракбариб: ««Шула» кьиматуначилси диплом касили, хIу­шала гIямрулизиб бегIлара мягIничебси бутIа ахъилра. Дусличи-дус «шула» кьиматуначил вуз таманбирути дурхIнала лугIи имцIабикIни дебали дигеси анцIбукь саби. ХIушани саби нушала университет республикала ва арагIебли улкала гьаркьяти вузанала къяйлизи каберхахъурсира. Нушани хIушачи пахрубирулра ва республика гьалабяхI башнилизи белгиси пай кабирхьниличи дирхулра».
ГIядатлибиубливан, вузла руково­ди­тельли университетла выпуск­ни­кунас хIунтIена дипломти дедиб. Балбуцличир илкьяйдали ДР-ла Правительствола Пред­се­дательла заместитель Н.ГIяб­дул­­мутIалимовлира, жагьилтала къул­лукъунала шайчивси министр К.Ся­гIидовлира, ДР-ла гIилмула ва ба­­гьудила шайчибси Комитетла Председатель Е.Павлюченконира, ДР-ла миллатла поли­тикала, жамигIятла ва динанала цалабяхъунала шайчибси Халкьла Собраниела Комитетла Председатель А.Карибовлира бутIакьяндеш да­риб. ХIурматла гIяхIлани ва ДГТУ-ла препода­вательтани университет ункъли хъа­­раахъниличил выпускникуни му­ба­­ракбариб.
Ярмаркала дазурбазир декIар-декIарти майдунти дузесаилри: кофе-брейк, суратуни кайсуси мер, хIянчи бедлугантала мер ва цархIилтира.