Хайдакьла районна бекI ГI.Темирбулатов: ««Гьан­бикунала вахта» балбуцличиб регионна БекI Сергей Меликовли сагаси проект – «Чедибдешла бай­рахъ» — бетурхахъниличила багьахъур. Ил бал­буц ЧебяхIси Чедибдеш сархибхIейчирад 77 дус дик­нилис хасбарибси саби, илкьяйдали Украи­на­лизибси Россияла дявила хасси баркьудилизир бу­тIа­кьяндеш дирути нушала бургъанти гIеб­бурц­ни­ли­чи­ра бяхIчиаибси саби.

1945 ибил дуслизиб ХIунтIена ГIярмияла бур­гъантани Рейхстагла юртла чеди катIунси чедибдешла байрахъ советский халкьли фашистунала Гер­ма­ния­личибад ЧебяхIси Чедибдеш сархнила бегIлара мягIничебси лишан саби.
Чедибдешла ХIунтIена Байрахъла тарихличила гъайикIули, нушала дагъистанлан ГIябдулхIяким ИсмягIилов ургъуси Кутузовла орденна ярагълизивад къяйкикIнила (мотострелковый) 150 ибил дивизияли катIунси биъниличила гьанхIебикахъес хIейрар. Ил балбуц бусягIятла замана кIинали мягIничебси саби, сенахIенну Донбассла даршути халкь балтахънила ва Россиялис урехи хIебирахънила шайчибси дя­вила баркьудилизир сагадан акIахъубси Россияла бур­гъан­тала 150 ибил дивизияли бутIакьяндеш дирули сари. Ила нушала дагъистанлантира каберхурли саби. Ил багьандан, «Чедибдешла Байрахъ» бал­буц­ла дазурбазиб, нушала районна культурала ва багьудила лерилра учреждениебазир хасти дал­дуцуни дурадуркIни лайикьси баркьудилизи хал­би­рул­ра. Илгъуна тяхIярли нушала хала дудешунала гьу­нартачила гьанбикуни мяхIкамли дихIес им­кан­бикIахъу. Илдала гIибратличибли чеабиуси нас­лу Ва­тIайчи дигичебсили бяркъес нушабра им­кан­бикIур».