ГIергъиси замана Ук­раинализибси дя­­вила балбуцли халкьла паргъатдеш буи са­би. Донецкла ва Луганскла рес­пуб­ликабала даршути халкь миллатчибала чябхъинтазибад уцахъ­нила балбуцлизиб чум­ра дубурлан гIяхIгъабзала беб­кIали алхун. Россияличи къар­ши­картани багьахънибала «кьяркь­си дергъ» абилкьули са­би, къалпла хабурти тIинтI­ди­рули. Россияла гIярмияла ургъан, старший сержант Марат Халикьов «Дагъистан» РИА-лизив журналистуначил гьуниваиб ва Украинализирти гьарли-марти аги-кьяйдали­чи­ла багьахъур.

«Украинализибси Россияла дявила хасси балбуц ца ити ахIен дурабуркIуси. Кьяшла гьарил ганз жагали пикриухъи кайцIес чебиркур. Россияла гIярмияли ил балбуц хъярхъли ахирличи биркахъи, эгер илаб даршути халкь хIебиалри. Нушала мурад – Донецкла ва Луганскла республикабала даршути халкь урехиагарси мерличи гечбарни, миллатчибала чябхъинти тIашаъни.
Россияла гIярмия цIакьси саби. ГIярмияла къяяназиб ур­кIи чIумати, ВатIайс марти уршбани къуллукъбирули саби. Нуша хIяжатти секIайчил гIердуцилра: дигалли – ярагъ, дигалли – дявила техника, дигалли – беркала лер. Улкала Президентла хъарбархъ таманбарес багьандан, бургъантани халаси къайгъи дакIу­би­рули саби, цалра гIелавяхI витIикIуси адам агара. Нушала гIярмияличи, нуни илизиб къуллукъбирниличи пахрубирулра.
Россияла гIярмияличила, бургъантачила ва арагIебли улкаличила тIинтIдирути хабурти къалпла сари. Илди тIинтIдирутала мурад – нуша урухдарни, амма нуша чизирадалра уруххIекIехIе. Гьарилли чучи хъарси бирули саби.
Гьайгьайрагу, гIярмиялизир детахълуми агарлира хIе­бирар. Нушала бургъанти миллатчибала ясирлизи бикалли, гIязаббуркIули саби. Илдала някъбази хIебикес багьандан, нушала бургъанти гIяхIгъабзала бебкIали улхули саби, алхес гьалаб чумал фашистра кабушили. Нушани ясирбуцибти адамти инжитбарибти ахIен. Дявила хасси балбуц чедибдешличил ахирличи биркахъниличи вирхулра», — викIи М.Халикьов.
Марат танкла командир сай. Илини сунела танк фашистунази хIебикахъес багьандан баргаиб, сай биалли, дяхъи-хъаслизи викиб. Арадеш циила къулайбиубхIели, илкьяйдали лебилра бусурмантас дурхъаси Дуббуцарла байрам ахирличи бикибхIели, ил чариубли Украинализи аркьуси сай. Дявила хасси балбуцлизир гъабзадеш дакIударни багьандан, Марат Россияла Игитла уличи гьалаихьили сай.
Украинализибси Россияла дявила хасси балбуц чедибдешличил ахирличи бикахъес нушара дулгехIе. Гьарилла уршби, узби, дудешуни чула хъалибаргуначи арали чарбухъаб!