ГӀямарла Батирайла уличилси Даргала театрлизиб биштӀатас хасбарибси «Глаз великана» бикӀуси Мухамед Добаговла пьеса-хабар хӀясибли спектакль чебаахъиб.

Амма ил гӀяртистунани мурталра дура­бур­кIу­сигъуна гIядатла спектакль ахӀенри. Нушала театр, Дагъистанна культурала цархӀилти учреждениеби кьяйда, «Открытый занавес» бикӀуси гIяхIбаркьла балбуцличил бархбикиб, сабира Россияла культурала Министерстволи акӀахъубси.
Ил бархӀи дучибти лерилра арц Дагъистанна БекӀ С.Меликовла хъарбаркь хӀясибли акӀа­хъубси «Лерилра дарх» бикӀуси фондлизи дархьиб. Ил фондли Украинализиб бетурхуси хасси бал­буцлизиб алхунтала хъалибаргунас кумекбируси саби.
Даргала театрла директор МяхӀяммад ГӀябдулкьадировли баркалла багьахъур спектакльличи хIербикIес бакIибти Избербашла 1-ибил школала мугIяллимтас ва бучӀантас.
«ВатӀайс къиянси замана нушала солдатуни, чула жан ахӀерахӀедарили, нуша урехиагарли хӀердиахъес багьандан, бургъули саби. Нушала театрла искусство дигахъути адамтала кумекличил иш дурхъаси Рабазан базлизиб нушани гӀяхӀси хӀянчи барес диубра ва хасси балбуцлизиб алхунтала хъалибаргунас кумекбарира», – викӀи ил.