Дурала пачалихъунани ва халкьани-ургарти организациябани къадагълуми дагьахъниличил дархдасахъи, Федерацияла судла приставтала кабизли Россияла Федерациялизир социальный бяхIчибизла-экономикалати аги-кьяйда ца низамличи дикахъести тяхIурти далдурцули сари.

69-ФЗ ибил Федерацияла законничи балбикахъили, «Федерацияла «Дургъбала бутIакьянчибала хIекьлизибси» законнизиб барсдеш алкIахънила хIекьлизибси» закон хIясибли, сабира Россияла Федерацияла Президентли 2022 ибил дусла мартла 26-личиб къулбасбарибси, 2022 ибил дусла февральла 24-личиб Украинала, Донецкла Халкьла Республикала ва Луганскла Халкьла Республикала ванзаличи дявила хасси операция дураберкIахъес бархьибти гражданинти дургъбала бутIакьянчибази халбирути саби.
«ХIукму дурабуркIнила хIекьлизибси» 229-ФЗ Федерацияла законна 40 ибил статьяла 3-ибил пункт хIясибли, Россияла Федерацияла Ярагъладиубти ЦIакьаназиб, цархIилти гIяскуртазиб, дявила цалабяхъуназиб ва Россияла Федерацияла закон хIясибли акIахъубти органтазиб къуллукъбирути чеблумала бегIтас, илкьяйда чебла сайсантала тилади хIясиблира, сабира тяп илдигъунти аги-кьяйдализибти, судли дурасибти хIукмурти, илди хIукмурти тамандиранти приставтани тIашиути сари.
Судла хIукму дурабуркIнила хIяракат тIашаахъес багьандан, илис хьулчили биэс бируси документ яра илала нотариусла къулбасличилси копия судла приставличи кабухес гIягIнибиркур.
Россияла ФССП-лизи лайикьси документ кабухес бирар судли дурасибси хIукмула шалубала вакилтанира, эгер илдазиб илгъуна ихтияр лебли биалли.
Судла хъарбаркь таманбиранни ил таманхIебарес вирули сай, эгер илини лайикьти аги-кьяйда белгидарили виалли, сарира судла хIукму дурахIеберкIнилис сабабли детарути.