Апрельла 2-личиб ДР-ла БекI Сергей Меликовла бекIдешлиуб совещание бетерхур, сунечирра социальный бяхIчибизла кумек гIеббиахънила тяхIяр-кьяйда пикридарибси.

Афганистаннизир детаурти дургъбала ветерантачи, Чернобыльла АЭС-личиб кабикибси гьанагарси балагьла асурти агардирнилизир ва 1999 ибил дусла дявила анцIбукьуназир бутIакьяндеш дарибтачи – лебилра илдачи хаслира пикри бяхIчиаэс ва илдас гIямрула къулайти шуртIри гIердуцес чебиркур или ба­гьахъур С.Меликовли.
ХIера, Афганистаннизир кадикибти дявила анцI­букьунала ветерантала хъалибаргунас дедлугути арцла кьадар 5-йнали имцIабарили саби. Илкьяйдали Чер­нобыльла АЭС-личиб бетаурси балагьла асурти агар­дирнилизир бутIакьяндеш дарибтала бекIа­хъу­дила шуртIри къулайдаресра хIяжатбиркур.
Гьанибаъниличиб 1999 ибил дусла дявила анцI­букьу­назир бутIакьяндеш дарни багьандан шабагъатуни дедлугнила масъалара ахъбуциб. Совещаниела бу­тIакьянчибани багьахъурливан, иличи хаслира пик­ри бяхIчиаэс ва чис шабагъат бедлугусил ахтардибирес гIягIниси саби.