Гьалабван «Россия – дила та­рих» би­кIуси тарихла парк­л­а конференц-зал­ли­зиб Да­­гъистанна халкьла поэт Фа­зу ГIя­лие­ва акIубхIейчирад 90 дус дик­нилис хас­барибси шад­лихъла бал­буц дура­бер­кIиб. ЧеряхIси поэтла юби­лей­личил дархдасахъи, иш­дус­лизир дахъал далдуцуни дурадуркIниличила багьахъур илаб. Иш гьакIлис бегI гьалабси «Ну ду­бур­ланни акIубсира…» ибси шадлихъ сабри.

Балбуцличир бутIакьяндеш дариб ДР-ла миллатла политикала министрла къуллукъуни заманалис дузахъуси Э.Муслимовли, Дагъистанна хьунул адамтала Союзла председатель И.Мамутаевани, «Лезгинка» ансамбльла руко­во­дитель, Ф.ГIялиевала урши Ж.МяхIяммадовли, ДР-ла пи­сательтала Союзла пред­­­се­да­тельла заместитель М.ГIяхI­­­мадовани, «Дагъис­та хьу­­­нул адам» журналла бекI ре­дактор Н.Каримовани, Ф.ГIя­лие­­вала творчество дигантани, студентунани ва кумекчибани.
Цалабикибтачи дугьаизур­ли, Э.Муслимовли буриб: «Фа­зу ХIямзатовнани са­ри ми­цIир­ли лерай халаси хIур­мат сархиб. Ишбар­хIи­лизибра ил пагьмучерси шягIирла произведениебала халаси кьад­ри леб. СенахIенну илала ле­билра творчество халкьла творчестволизи халбарес вирар. Илала произведениебани дагъистанлантала рухIласи давла чебирцIахъули саби, дубурлантала культура гьалабяхI башахънилизи халаси пай кабирхьули саби. Илала пагьму кумекли бетарули саби ну­шала дахъал миллатунар рес­публикализиб даршудеш гIеб­бурц­нилисра».
Лебилра гъайбухъунтани по­этессала творчество ахъ­ли кьиматлабирулри. Ф.ГIя­ли­ева чарх-бекIлизир жагаси, миллатла къугъати палтарличил регIрируси ва дубурлантала жагадешуни сунечи далдиркуси сарри. ГIяхIцад дусми гьалар дел­кIунти илала произ­ве­де­ние­би иш­бар­хIира кьад­­ри­чер­ти­ли де­та­рули са­ри. Иш­­бархIила да­лагарде­шу­­начила гьа­ла хи­ли балусиван, илини аргъ­баибти наз­мурти ца­ладирхъутири ва цар­хIилтира балкI­­дешличи, рушбатчидешличи, усалдешличи къаршили бур­гъахъес жибирутири.
Балбуцли­чир зайдикIути жагати далуй­тани ва макьамтани, Фазу ГIя­лиевала кар­гьурти наз­муртани, дубурла бургачи ада­цIиб­­хIеливан, цалабикибтала уркIби разидешличил ва пахруличил тимхъдикIахъулри. Илгъуна гьарли-марси пагьмули жагьил лукIантира ур­кIичеб­бирахъу ва гьалабяхI гьуцIбикIахъу.