Дагъистан Республикала бузерила ва социальный бяхIчибиз гьалабяхI башахънила Министерстволи «Демография» миллатла проект хIясибли балкьаахъурси, сабира регионнизиб цаибил виштIаси варкьибси хъалибарглис гьар базлизиб лугуси пособие кабизахъниличибли алкIути бахъбикIахъниличи бяхIчиаибси, «БиштIати акIубти хъалибаргуни арцличил гIердурцни» проект гIямрулизиб дурабуркIнила хIяракат даимбарили саби.
Федерацияла 2017 ибил дусла декабрьла 28-личибадси «БиштIати лебти хъалибаргунас гьар базлизир лугути арцла хIекьлизибси» закон хIясибли цаибил дурхIя варкьибти (касибти) хъалибаргунас гьар базлизиб лугуси пособие кабизахъурси саби.
Цаибил дурхIя акIниличибли (касниличибли) хъалибаргунала гьар базлизиб лугуси пособие биркахъес ихтияр леб, эгер хъалибарглизив 2018 ибил дусла январьла 1-личив яра кьанни цаибил дурхIя акIубли (касили) виалли, Россияла Федерацияла гражданин виалли ва хъалибаргла доходуни ца адамлис хIериэс гIягIнити арцла РФ-ла 134 ибил законни кабизахъурси кьадарличи цугдиркули диалли.
Федерацияла бюджетлизирад цаибил дурхIя варкьибти (касибти) хъалибаргунас 2022 ибил дуслис Дагъистан Республикала бюджетлис декIардарибти арцла кьадар 4 626,24 миллион къуруш сари (лерилра арц федерацияла бюджетлизирадти сари).
БусягIятла замана муниципальный цалабяхъунала жамигIят социальный бяхIчибизлизиб гIеббурцути управлениебани 2022 ибил дусла январьличирцун 424,90 миллион къуруш дутIили сари. Проект гIямрулизиб дурабуркIес бехIбихьибла социальный бяхIчибизла кумекуначил пайдаладикIути 50 053 хъалибаргли пособиела арц касили сари.
