Мурталра аргъ­баиб­тили кав­лу­ти сари нешла мез руркъ­­ни­ла ва мяхIкамдирнила, мил­­лат­ла мезаначил дура­дул­хъути газета­би-журналти къулбасдирнила ва дучI­ни­ла­ масъулти. Илди нушала гIям­­рула мягI­ни­­черти бутI­нира сари. Гьарил мил­латла ва­кил­лис илдачи пикри бяхI­ч­и­иэсра че­бир­кур.

ХIера, илдигъунти­ бекI­лидиубти масъулти хIердарес им­канбакIиб март­ла 1-личиб Да­­гъистанна Пра­вите­льст­­во­­ла Председатель ГIябдул­мус­лим ГIябдул­мус­­лимовлис рес­­­­публикала бахълизи мягI­­ни-хIял дала­хъути гIягI­ни­ахъ­лу­мала бекI ре­дак­торта­чил ду­­ра­беркIибси гьунибаъниличир. Илаб илкьяйдали лебри ДР-ла Прави­тельствола Председательла Цаибил заместитель Заур Эминов, министртала к­а­бинетла ви­це-премьер Риз­ван ГъазимяхIяммадов, ДР-ла печатьла ва багьахънибала шай­чив­си министр ГIу­мар­гIус­ман ХIяжиев, ДР-ла лу­гIур­бала шайчивси министр Юрий ХIям­за­тов.
Республикала изданиебала руководительтани редакциябала бузериличила, ил бетуцлизирти аргъбаибти масъултачила буриб.
ДР-ла Правительствола Председательли журналистунани дурабуркIуси хIянчи чихъли кьиматлабариб ва ишбархIи ил кьяли гIеббуцес гIягIнили биъниличила багьахъур. Илала гъай хIясибли, бахълизи мягIни-хIял иргъахъути гIягIниахълумала бу­зе­ри гьалабяхI башахънила ма­съултази ихъур акIахъубси ДР-ла печатьла ва багьахънибала Агентство. Илини хаслира пикри бяхIчиаахъиб жагьилтазир ВатIайчи диги адилкьнила масъултачира. «ИшхIелла аги-кьяйдализиб ил хаслира мягIничебси саби. Нушаб чебиркур дурхIназиб жузи, журналти, газетаби дучIниличи иштяхI алкIахъес, сенахIенну Интернетла ва компьютерла кумекличилцун адамлис мурхьти багьудлумачи вегIиэс имканхIебикIур. Гьайгьайрагу, илини илдазирад сегъунти-биалра багьахъниби кайсу, амма лайикьти багьудлуми луга жузани-газетабаницун. Нунира ил секIал якьинни аргъира, Лев Толстойла, Александр Пушкинна ва Расул ХIямзатовла произведениеби хIеделчIи, мурхьти багьудлуми касес хIейрни. Ил шайчибси бузери жигарчеббарес чебиркур», — викIи ил.
ГI.ГIябдулмуслимовли бу­ри­ли­ван, сунела бархIи газетаби дучIниличибад бехI­бирхьуси саби. Миллатла газетаби гIердурцниличила бурули, илини багьахъур: «Ну кьакьавикIахъулра нушала нешла мезла, миллатла газетаби-журналтала аги-хIяй. Эгер адамли сунела нешла мез хIедалули виалли, илини вегIла халкьла тарихра хIебала, илхIели патриотизмаличила гъайикIесра хIейрар».
Буралли, ДР-ла Правительствола Председательли га­зетаби-журналтала комплекс­ла мер-муса хIердариб, СМИ-бала редакциябази вякьун.