Коронавирусли бекIлизиб секIал бихIнила клеткабас урехи алкIахъули саби. COVID-19 изайчил бяхIягибти адамтала вяшатIайзир Альцгеймерла изайчи мешудиркути цацадехIти лишанти алкIули сари.
Тухтуртани буруливан, гIергъиси замана илдигъунти зигаръалаличил гьачамичиб-гьачам бахъал адамти чучи дугьабилзули саби.
СOVID-19-ла «бекIлизиб дирихь» ва цархIилти «хабарагарти савгъатуни». Ил изайзи бикибтани вирусла лишанти гIямрулизир хъумхIерту. Статистикала баянти хIясибли, гьар хIябэсил адамла пикрибикIнила клеткабала бузери букьбулъули саби, гIямрула дусмачи хIерхIеили. Бахъалгъунти адамтас илгъуна даража хIянчила мерлаб ва хъали-цIализиб бекIмахбулхъули саби, хаслира жагьилтас. Сегъунтилра лишанти агарли, изала кункли чекасибти адамти бархли секIал хъумуртнили зигарбикIахъули саби. Тухтуртани кабизахъурливан, бекIлизибси «дирихьла» лишанти Альцгеймерла изайчи дебали мешудиркули сари. Коронавирусла чейхъуси изала биалли, илис гьаликIли бетарули саби.
