2020-ибил дус­ла ок­тябрьла 15-ли­­чиб ду­ра­бухъунси «За­ма­на» га­зе­тала хIя­бъи­­бил бяхI­лизиб «Му­леб­кIанти сен бир­­гIя­­бургути?» би­кIуси ма­кьа­ла ду­ра­­бу­хъун­си­ри.

Ил макьалализибси бекI­ли­биубси мурадличила гьанбуршулра. ЦархIилти ши­мазиргъунти шантас хIербиэс хIя­жат­ти, къулайти шуртIри (хъулразиб газ, къирли дуцибти гьундури, дурхIни бучIахъес сагати школаби) чула шимазир агниличи разиагаррикибси, Сергокъалала районна Миг-лакьасимахьилизир хIер­рируси Рабазанова Зайнаб МяхIям­ма­довнани улкала Президентличи 2015 ибил дусла мартла 12-личиб дугьа­биз бархьибсири.
Игъбарлисван, ил дугьабиз Президентличи баиб. Илини биалли, ДР-ла Правительст­воличи чедир гьандушибти ма­съулти гъамси заманала духI­н­ар бекI­да­рахъес ва дирути хIянчила гра­­фикра барили, хIянчи гIер­дуцахъес арцра декIар­да­рахъес хъар­барибсири. Президентла хъарбаркьличи пикри бяхI­чиа­ахъес ибси кьасличил журналист сай­­ливан, «Дагавтодорла» началь­ник З.Хуч­­баровла замес­тительти ХIя­жи­му­рад ХIяй­дар­бековличил, ХIя­­биб Наж­му­ди­нов­личил, «Чер­новик» ва «Но­вое дело» га­­­зе­та­бала редакциябала хIян­­чи­зартачил, ДР-лизибси ОНФ-ла ру­­­­ко­во­ди­тельличил, ДР-ла Правительствол­а Пред­се­­дательла заместитель ва гIил­му­ла-ба­гьудила ми­­нистр У.ГIя­ма­ровачил къар­­­ши­икибсири. Илала дурабад, гьа­лавла РФ-ла Правительст­вола Председатель Д.Мед­ве­девличи, 2019 ибил дусла июньна 20-личиб РФ-ла Президентла гьаргси линия­ли­чи, ДР-ла БекIла къул­лу­къуни заманалис дузахъуси В.В­а­­сильевличи дугьабизуни дархьиб­тири. Илди масъултала хIекьлизир ДР-ла Правительст­во­лизиб бузути хIян­чи­зар­та­чи­рад «Я сагаси школа барес, я гьундури сагадарес, я ши­мазирти хъулри газличил гIер­­ду­цес дирути хIянчилис харждарес ДР-ла бюджетлизир арц агара», ибти дацIти жавабти дашулри. РФ-ла Президент В.Пу­тинна къантIли ва чебетаахъили ДР-ла Правительст­во­лис бедибси хъарбаркьличилара ил­дани хъумкартурлири. Ахирра ДР-ла БекI В.Васильевли (сунечи белкIунси ду­гьабиз баили гIергъи) «Ва­на­шимахи-Нижнее Му­лебки» гьуни сагабирути (2-3 дус тIаш­кадизурти) ва Миг­ла­кьа­­си­махьилизиб школа бирути хIянчи дехIдихьахъес 2020-ибил дуслизиб ДР-ла Правительстволичи хъарбариб. Школа тIашбалтули хIянчизарти гьаннара тIашагарли бузули саби. «Ванашимахи-Нижнее Мулебки» гьунчирра хIянчи гIяхIцадла дарили сари. Амма Ванашимахьила шила гьалабси гуми сагабирути ва кIел къатличил 10 км бухъянси гьуни къирли бурцути хIянчи таманхIедарили, хIянчизарти бетахъили саби. Кьялцнаубад бехIбихьили ца къатличил къирли буцибси гьуни заябирес бехIбихьили са­би. Илкьяйда 3-4 дус гьалабра илаб бузути хIянчизарти бетахъибтира. «2015 ибил дусла октябрьлис таманбарес чесибси хIянчи» гьаннара таманхIебарили лебал.
ГIяхIцад замана бикили биал­ра, чедир гьандушибти масъултазибад цалра ма­съала гьанналауб арзили, бекIбарили ахIен.
2021 ибил дусла февральличиб ДР-ла БекIла къуллукъуни зама­налис ду­захъуси Сергей Меликовличи ва Па­ча­лихъла Думала депутат Ю.Ле­виц­кий­ли­чи УбяхI МулебкIила ва Миглакьасимахьила шимала администрациябазиб хIер­би­рути адамтала шайзибад дугьабиз бархьибсири.
Март базличир ил дугьабизлис ДР-ла жилищно-ком­мунальный хозяйст­во­ла ва энергетикала министр М.Ма­жонцла, ДР-ла транспортла ва гьун­дурала хозяйствола министрла замес­титель М.ТIа­гьи­ровла жавабти дакIиб.
ДР-ла министр М.Мажонцли лу­кIули сай: «Шимала духIнарти газла се­тани кадирхьнила хIянчи Сергокъала­ла районна администрацияли, ДР-ла берк-бержла ва шила хозяйствола министерстволичил барх, РФ-ла хIу­ку­матла «Комплексное развитие сельс­ких территорий на период 2020-2025 го­ды» программализи кадурхахъути сари «Газ­пром» ПАО-ли хIукму кьабулбарили гIер­гъи».
ДР-ла транспортла ва гьун­дурал­а хозяйствола Министр­ла заместитель М.ТIа­гьи­­ровла жа­ваб: «ХIурматла Мух­­­тар ГIя­­марадзиевич! ДР-ла транспортла ва гьундурала хозяйс­твола министерстволи заманалис ДР-ла БекIла хIян­чи дузахъуси С.Ме­ли­ков­ли­чи бархьибси хIела дугьабизла хIекь­­­лизиб ба­лахъулра: «Ва­на­ши­махи-Нижнее Му­леб­ки» 0-10 км гьуни сагабирнила­ хIян­­чи 2020-ибил дуслизир тамандарес хIяжат­ти диалра, подрядная организацияли вягI­дализир сунени чесибти хIянчи дарес ба­жар­ди­хIебиркухIели, челябкьуси дуслизир да­рес гIела ардухибтири. 2021 ибил дуслизир Ванашимахьи-УбяхI МулебкIи машинаби дашуси 10-14 км-ла гьуни сагабарес проектно-сметная документация дирути сари. Дуги-хIерила духIнар УбяхI МулебкIила шимази ар­кьу­ти гьундурачир дебали камли машинаби дашниличира хIер­хIеили, 14-21 км-ла УбяхI Му­лебкIила шилизи абаайчи аркьуси гьуни къулайбирути хIянчира дарили дирар 2022 ибил дусличи бикайчи».
Илини сунела жаваблизиб ХIу­ре­хъи­бад, УбяхI МулебкIила шилизи абаайчи гьуни къирли буцес хIяжатдеш агара, сенкIун ил гьуниличирад машина­би дебали камли дашули сарину или бу­рули сай.
УбяхI мулебкIантала 11 шилизиб 3300 адам хIербир­ни­личила, гьар бар­хIи Мя­хIяч­­къалализирад, Каспийск­­ли­­зирад, Избербашлизирад тIаш­­­­х­Iе­дизурли маршруткаби даш­ниличила, вегI­дешла диш­тIа­­тира халатира дахъал машинаби лерниличила М.ТIа­гьи­­ровли, гьайгьарагу, балули хIер­­гар.
КIелра министерстволизи­рад да­кIибти жавабтани му­леб­­­кIанти рази­хIе­бирни якьин­­си саби. Шимала мер-му­са гьаладяхI ардукес ибси кьас­­­­ли­чил чумра программа кьа­­бул­дарибти сари РФ-ла Пра­ви­тельстволи гIергъити дусмазир. Амма илди программаби гIям­ру­лизир детерхахъес хIе­руди бирути органти агара. Нуша нуша­ла бегIтанира, шимала жа­ми­гIя­тунанира, школабазиб бузути му­гIяллимтанира къунби хIе­ду­ра­хъес бурсидарибтири.
Амма халати хIякимтани цалра чули «дирехIе» или чейсути хIянчи хIедирули кавлули сари. Нуни буруси марбарести кIел мисал: ДР-ла промышленностьла ва энергетикала министрла замес­тительличибад бакIибси жаваб: «ДР-ла промышленностьла, ЖКХ-ла ва цархIилти организацияби газличил гIердурцуси 2018-2022-ибти дусмазиб бе­тур­хахъуси программализи УбяхI МулебкIила шилизиб — 22,5 километрла, Миглакьасима­хьи­ла 20 километрла шимала духI­нар газла турбаби кадирхьни­ла хIянчира кадерхахъурти сари».
Ил программа кьабулбарила 3 дус дикили сари. Хъярхъл­и шалгIеббулхъан 2021 ибил дус­ра. 5-6 дус гьалаб бизнесмен МяхIяммад Чунчиевли УбяхI МулебкIила шими газличил гIердуцес или кабихьибси 22 км бухъянси магистральная турба мяржли бугули саби.
2020-ибил дусра шал­гIеб­бухъун, гьаннара къирла кIи­ибил къат кабирхьути хIян­чи­ра таманхIедиубли лерал. «Ванашимахьилизирад УбяхI Мулеб­кIи­ла шилизи абаайчи гьундурачир дирути хIянчи 2022 ибил дус­лизир та­мандирехIе» или, лу­кIули сай Даг автодорла министрла заместитель М.ТIа­гьи­ров­ли.
РФ-ла Президентли, сунечи Сер­го­къалала районна Миг­лакьасимахьилизир хIер­ри­руси Рабазанова Зайнаб Мя­­хIяммадовна дугьа­ризур­хIе­ли, ДР-ла Пра­вительстволис бедибси хъарбаркь сен бет­хIе­б­урхахъуси? Илини Миг­­ла­кьа­си­махьилизиб сагаси шко­ла ба­рес, шимазирти хъул­ри газличил гIер­ду­ца­хъес ва «Ва­на­шимахи-Нижнее Му­­леб­­ки» гьуни сагабирути хIян­чи­ да­рили тамандарахъес гра­фик­­ра барили, харждарахъес арц даргахъес­ра хъарбарибси­ри­гу.
Агарагу Президентла хъарбаркьлизиб баягъи ил гьуни хIябал бу­тIаличи бутIили ва ДР-ла бюджетлизир арц дагьардиубхIели, челябкьлализир, мурт-биалра илди хIянчи дарая ибси!!!