Мартла 11-14-­личир Бу­ря­­тия­­ла тах ша­гьар Улан-Удэ­ли­­зир азадли му­шул­баш­ни­л­а шай­чирти Рос­сияла чем­­пио­­натл­а абзани дура­дер­кIиб. Ну­шала улкала бегI­ла­­ра цIакь­ти мушлукьябани аб­за­на­­зир бу­тIакьяндеш дариб. Че­ди­­ви­кес имцIали имкан­ти лер­си ГIяб­дул­рашид Са­дул­лаев (97кг) ва дяхъила вегI Сос­­лан Ра­­­монов абзаназибад акьу­ба­тур.

Улан-Удэлизирти абзаначиб чедибикибти мушлукьябас июльла 23-личирад августла 8-личи бикайчи Токиолизир детурхути Олимпиадала хIязаназир бутIакьяндеш дарес цархIилтасийчиб гьалаб имканбикIуси саби. Ил багьандан бурги лебилра мушлукьяби чула лерилра устадеш чедаахъес къайгъназибти. Дагъис­танланти — цархIилтачиб им­цIали. Дагъиста бахъал мушлукьябала кьасани детерхур.
2021 ибил дусла Россияла чемпионатличир Дагъиста мушлукьябани 18 медаль сархиб. Илдазирад 5 — мургьила, 5 — арцла ва 8 — жармала. Нушала команда цаибил мерличи бакIиб. 12 медальличил (3 мургьила, 2 арцла ва 7 жармала) кIиибил мер буциб Осетияла командали.
Ишдусла азадли му­шул­башнила Россияла чем­пи­о­натличиб чедибдеш сар­хиб­ти да­гъистанланти саби: За­вур Угуев (57кг.), ГIяб­бас­хIя­жи Мя­хIяммадов (61кг.), ХIя­жи­мурад Рашидов (65кг.), Мя­хIяммад Кьурбанов (92кг.), ГIя­лихан ЖабрагIилов (97кг.) – цаибил мер; Муслим Мехти­ха­нов (61кг.), Загьир Шахиев (65кг.), Разамбек Жамалов (74кг.), ГIяхIмад ГIусманов (79кг.), Даурен Куруглиев (86кг.) – кIиибил мер; Абубакар Муталиев (57кг.), Кьурбан Ши­­раев (65кг.), ГIябдулмажид Кудиев (65кг.), МяхIяммад Кьур­бан­гIялиев (74кг.), МяхIям­мад­расул ГъазимяхIям­мадов (74кг.), ХIяжи Набиев (79кг.), ГIяхI­мад ХIяжимяхIяммадов (86кг.), Мя­хIям­мад Рабазанов (86кг.) – хIябэсил мер.
65 килограммла битIакIла Дагъиста мушлукьябани цар­хIил­тас цалра медаль хIе­ба­тур!
Чемпионат ахирличи бикибси бархIи шадлихъла бал­буц­личив гъайухъунси Рос­сияла мушлукьябала Федера­цияла президент Михаил Ма­­­миашвилини, спортсменти че­­дибдешличил мубаракбариб:
— Ишдусла чемпионат бегI­­­лара гIяхIил детерхуртала къяянази белкIес вирар. Аб­­­­за­начир арзес гIягIнити ми­салти нушани арзилра: бу­тIакьянчибани чула устадеш чедаахъиб. Нушаб калунси: камси бамсриахъили, Токиола Олимпиадаличи хIя­дур­дикIни саби…
Дагъистанлантас калунси­ра ца саби: нушала мушлу­кьяби дуцIрумла Олимпиадала хIязаначиб чедибика­хъес ЧевяхIсилизи дулгни. ГIеб­бур­це­хIе нушала мушлукьяби!