Дагъистайзибси ара­деш мяхIкам­бир­­нила шайчивси ми­нистр Жамалудин ХIяжииб­ра­гьи­мовли коронавирусла чей­хъуси изайчи къаршиси при­­вивка барахъиб.

Ил республикализибси чей­­хъути излумала больницализибси прививкаби дируси ка­бинетлизиб бариб. Гьан­бур­шехIе, сентябрьла бехI­би­хьудличирра илини грипп, хургьри демднила изала, вирусуни чехIейхъандирнила тя­­хIяр-кьяйда далдуцибтири. Илини, коронавирусла чейхъуси изайчи къаршиси прививка, гIяхIцад замана арбякьунхIели барахъиб. Министрли бурни хIясибли, коронавирусличи къаршиси прививка барес асубируси саби гриппличи къаршиси прививка барили гIергъи, 28 бархIи дикибхIели.
«Гьала- гьала коронавирусличи къаршиси вакцина бируси саби зягIипти адамтачил бархбасуни лерти хIянчизартас, тухтуртас зягIипхIебикахъес ва арадеш вайтIахIебикахъес багьандан», — или викIи ДР-ла арадеш бихIнила министр.
Илала гъай хIясибли, вакцина чус барахъес дигутани саби бирахъуси, чичилра гуж-зулму дирути ахIен. COVID-19- личи къаршиси вакцина бируси саби адамла арадешлис заралласи лишан агархIели.
«Наб прививка бариб­хIей­чи­рад кIел сягIят дикили сари. Дила аги дебали ункъли саби. Кьаркьайзир сегъунтилра дарсдешуни агара», — имцIабариб. Ж.ХIяжиибрагьимовли.
Дунъяличиб Россия цаэсил бетаур COVID-19- личи къаршиси вакцина хIядурбарибси. Дарман балкьаахъурсири Гамалейла уличилси НИЦЭМ-лизиб, инвестициябала шайчибси Россияла фондличил барх. Дагъистайзи вакцинабала цаэсил партия сентябрьличиб сабухибсири.