Гьалабван, ДР-ла жа­гьил­­т­ала къул­лу­­къунала шай­чиб­­си Министерствола икьай­чил, Та­басаранна район­на Хуч­ни­ла шилизиб ЧебяхI­си Че­диб­деш сар­хиб­хIейчирад 75 дус дик­­­нилис хасбарибси респуб­ли­ка­ла да­ражала ми­ни-футболла шай­чиб­си абз бе­тер­хур.

Балбуцла мурад сабри республикала халкьани-ургабси спортла культура дебабиахъни ва гьалабяхI башахъни, жагьилти спортличи битIакIни, арати гIямру дуркIахъес жибарни, мини-футболла шайчирти бегIлара гIяхIти командаби белгидарни.
Абзличир Дагъиста де­кIар-декIарти районтала 16 спортла командали бутIа­кьян­деш дариб: Ахвахла, Ахтыла, Дербентла, Къаякентла, Сергокъалала, Лавашала, Хасавюртла, Избербаш шагьарла ва цархIилтанира. Илдала лугIи­лизи каберхурлири Хайдакьла районна командара.
Мини-футбол хIязли бир­кьу­тазибад тап бузахъес халати устадеш, командализиб­ти бархкьябачил варх узес бални тIалабдируси хIяз саби. Асарбируси хIязличибли Хайдакьла районнизибадси команда бегIлара гIяхIти хIязла бутIакьянчибала цаибси гехI­лихъ­лизи дурабухъун.
Хайдакьла районна бекI ГI.Темир­бу­латовли буриливан, кьаркьала чIума­биахъес ва буцалачевдешличил шикьи­кIа­хъес кумекбируси спортла тамашала жура мини-футбол гIергъиси замана машгьурбиуб­ли саби. «ГIяхIти хIясилти че­даахъили, нушала команда гьаркьятала лугIилизи каберхни дебали дигесли саби. Буралли, ил спортла жура Хай­дакьлизиб бара гьалабван са­би дакIубиубсира. Иличибли багьесли саби нушачиб бахъал спортлизи ахъибти, пагьмучебти, се-биалра сархес гьуцI­бикIути жагьилти лебни. Гьан­нала гIергъира илдас ­дахъал сархиб­дешуни дулгулра. Район­­на халкьли илдачибад гIиб­­рат кайсули, арати гIямру дур­­кIули дигулра», — викIи ГI.Те­мир­булатов.