«Хайдакьанти» миллатла центр­лизиб лебил дунъяличи маш­гьурриубси берклумала уста Кумсият Мирзаевани хурег бир­ни­ла «дарс кабихьиб».

ГьанбуршехIе, Хайдакьла районна Жавгъатла шилизирадси Кумсият Мирзаева «VIP Кулинария» берклуми дирнила шайчибси центрла генеральный директор сари. Илини гьар дус судья сарлин халкьани-ургарти ва Россияла даражала берклуми дирнила шайчирти абзаначир бутIакьяндеш диру. 2018 ибил дусличирад К.Мирзаева Дагъиста берклумала устнала Ассоцияцияла председатель сари, илкьяйда Россияла берклумала устнала миллатла Ассоциацияла членра сари. Жура-журала бизити берклуми дирнила дахъал тяхIурти далнили ил Швейцарияла Давос шагьарлизи раахъиб. Баягъи илаб 2012 ибил дуслизиб дураберкIибси Экономикала мажлисла гIяхIлас Кумсиятли Дагъиста берклумала бизидеш багьахъур. Илала дурабад, Кумсият Мирзаевани 2012 ибил дуслизир Испаниялизиб, 2016 ибил дуслизир Мадридлизиб ва Барселонализиб дурадеркIибти берклумала устадешла шайчирти абзаначир бутIакьяндеш дариб, 2018 ибил дуслизир биалли, Македониялизи ва Тур­циялизи раиб.
Хайдакьла районна бекI ГIялим Те­мир­булатовлира буриливан, Хайдакь, сунела даршдусмадси тарихличилцун ва тIабигIятла жагадешличилцунра ахIенну, сунела дебали машгьурти адамтачилра лебтанилра балуси саби, чулира нушала миллатла культура дунъяла даражаличи абаахъибти.
«Нушала машгьурти адамтани, чула аслу-мина гьанни, гьалабяхI хъярхъ­би­ки­­ли, дахъал сархибдешуни ди­а­хъуб­ти са­­­би, илхIелира биштIаси Ва­тIа гIя­­да­ту­­на­­чила хъумхIертур. Илда­ни хай­да­кь­ланта­ла уркIби пахрули ди­цIа­хъи­ли са­­ри!» — цIакьбарили буриб ГI.Те­мир­бу­ла­­товли.
Берклуми дирнила «дарс» чебиа­хъу­ли, К.Мирзаевани «VIP Кулинария» центрла хIянчизартачил барх хайдакьла гIя­дат­ла хурег бариб – хивачилти гIяр­гIяла диъла чудни, цазаманализиб ил хурег хIя­­дур­бирнила цархIилти тяхIур­тачилара бу­­рули.
Чудни дуцIули ва ил хурег бирнила дигIяндешуначила бурули, Кумсиятли бахълис дигахъути хивачилти гIяргIяла диъла чудни Хайдакьлизир хIурматла гIяхI­лас ва байрумтала бурхIназир хIя­дур­дирути диъниличила гьанбикахъиб.
«БегIлара гъамти адамтас гьаман се-биалра бизисигъуна барес дигахъис. ИшбархIи гьалмагъунас нушани дила ахIерти хайдакьлантала дигуси хурег хIя­дурбарира», — рикIи ил.