Декабрьла 17-личиб «Да­гъис­тан» РИА-лизиб фе­де­ральный прог­раммала бекIлибиубси «Ну — предприниматель» бал­буц­­лис хасбарибси пресс-кон­фе­ренция бетерхур.

Предпринимательствола шайчир дурадуркIути устадешла дурсрачила ва цархIилти хIян­чи­личила буриб «Фабрика предпринимательства» фондла директор И.Зиннуровли ва Дагъиста предпринимательство гIеб­бурцнила центрла директор З.МяхI­мудовли.
И.Зиннуровли буриб, конгрессла дазурбазиб нало­гунала шайчиб урехи хIе­­би­­рахънила, вегIдешла бренд акIахъ­нила ва цар­хIилти темаби хIясибли ур­чIемал ус­тадешла дарс дура­дуркI­ниличила. Илдазирад декIарли дурадур­кIути са­ри белчIудила программаби де­тур­хахънила шайчир муниципалитетла руководительтас ва хьунул адамтала бизнеслис хасдарибти устадешла дурсри.
Ил тема хIясибли декабрьла 18-личиб «Россия — дила тарих» паркла жаняхIлизиб конгрессра дура­бер­кIиб. Дагъистайзибад 600 жагьилли илар бутIакьяндеш дариб, чулира бизнес-проектуни гьаладихьибти. Регионна БекI В.Васильевлира конгрессла дазурбазиб бетерхурси ихтилатлизир бутIакьяндеш дариб.
«ХIу — предприниматель» би­кIуси федеральный программала дазурбазиб бетерхурси балбуцла баянти хIя­сибли, республикализир жура-жу­рала организациябазир да­хъал хIянчи дурадеркIиб.
2019 ибил дуслизир «Неш — предприниматель» ва «Инклюзивное предприниматель­с­тво» бикIути семинарти ду­ра­дуркIути сари или буриб И.Зиннуровли.