Февральла 4-личибад Россиялизиб хъулрачи хIяжатдеш лебтас илди дедлугес ихтияр бирар, сарира гьаланачир дявила санигIят бузахъули калунтас хасдарибти.
Сагаси закон цIакьлизи каберхайчи илдигъунти квартираби хъа вегI вебкIниличибли, сахIесниличибли яра цархIил мерличи гечвиъниличибли дацIли кавлутири. ХIукуматлизиб биалли, илди цархIиллис дедес ихтияр аги.
Квартираби дикахъес ихтияр лебти жамигIятла кьукьнази кабурхули саби ЧебяхIси ВатIа дергъла бутIакьянчиби ва илдала хъалибаргунала членти, Чернобыльла АЭС-лизиб кабикибси бехIемцI агарбарибти, чулахъ дурхIни лебти хъалибаргуни ва дявила балбуцла бутIакьянчиби.
