Ишди бурхIназиб Ахъушала районна бекI МяхIяч ГIяб­дул­каримов культурала хIян­чи­зартачил гьуниваиб ва илдала бузерила мягI­ничебдешличила буриб.

«Районна культурала давла мяхI­камбарни, илкьяйдали фольклор мяхI­­кам­бирнила ва сагали «мицIир­би­рахъ­нила» шайчирти далдуцуни дура­дуркI­ни багьандан» Ахъушала районнизибси культурала ва туризмала управлениела (УКТ) халкьла пагьмуртала Юртла директор ХI.ГI.Мусаадаев, биб­лиотекабала цахIнабикла методист З.М.Нестерова, УКТ-ла дурхIнала искусствола центр­ла директор Ж.М.ГIисаева, Шукьтила шилизибси Россияла халкьла культурала Центр­ла директор К.Кь.ТIагьиров, «Ахъуша» ансамбльла хореограф М.Б.ШяхIбанов, РДК-ла автоклубла заведующая К.М.ШурлагIяхIмадова, Уллучара шила культурала Юртла директор О.Ч.МяхIяммадова, районна методикала кабинетла методист Ф.В.ГIябдуллаева, Бутрила шилизибси Россияла халкьла культурала Центрла художестволашал сунела саби бузуси коллектив Ахъушала районна ХIурматла Грамотабачил шабагъатлабариб.
«ХIушани халкьличил сахаватли рухIла давла буртIулра, илдас разидеш пешкешбирулра. ХIушала къайгънани, че­кадизурдешли, илкьяйдали хIушаб бузери дигахънилира республикала конкурсуначир ва фестивальтачир хIушази гьаларти мерани сархахъиб.
ХIушаб арадеш, уркIила гIяхIси гьав, гьарил баркьу­ди­лизир сархибдешуни, гIям­ру­лизиб талихI, хъулиб баракат дулгулра!» — викIи Ахъушала районна бекI.
«Ахъушала район» МО-ла багьахънибала политикала
шайчибси управление