Сергокъалала район­на админист­ра­ция­ли­зив раойнна бекI Мя­хIяммад ГIямаров Ук­раи­нализиб бетурхуси хасси бал­буцлизир бутIакьяндеш да­рахъес жибарибтала хъа­ли­баргуначил гьуниваиб. Балбуц хас­барибсири илдигъунти хъа­либаргунас пачалихъли арцла кумек гIеббиахънилис.

Сунела дугьабизлизиб М.ГIя­маровли, хасси балбуцл­а бу­­тIакьянчибас ва илдала­ хъа­либаргунас кумеклис районнизир кIина арц дучиб или гьан­бушиб. Муниципа­литетла уч­­реждениебала хIян­чи­зар­та­ни ца бархIила алапа ила бедибсири. Дучибти арц респуб­ликала фондлизи дархьибтири.
Илкьяйдали дучибти арц­ла лугIи ишбархIи 1 миллион 887 азирлим 563 къурушличи абиркули саби.
Бара гьалабван бетерхурси штабла заседаниеличиб районнизибад жибарибти лебилра 39 адамла хъалибаргунас арцла кумек гIеббаахъес пикрибариливан, ил балбуцличир Ахъушала ва Сергокъалала районтала дявила комиссарли, бузерила ва дявила халатала советла ветеран МяхIяммадсалам Мя­хIям­мадовли лебтасалра (40 азир къурушличилти) арцла мухчаби дутIиб. Калунти арц­лис биалли, хIяжатти гIягI­ни­ахълуми асили, хасси бал­буц бетурхути мераначи дур­хьути са­ри.
Гьунибаънилизир бу­тIа­кьян­деш дариб КЦСОН-ла ди­ректорла заместитель ХIя­би­буллагь Идрисовлира. Или­­ни буриливан, бузери­ла Ми­нистерстволи хасси бал­буц­ла бутIакьянчибала хъа­ли­­­баргунас кумеклис сагаси программа бузескаили са­би. Ил хIясибли, КЦСОН-ла хIян­чи­зартани хъали-хъайгIи бякьи, социальный паспортуни ди­рути сари.
Илкьяйдали «Нуша дарх» бикIуси лебил Россияла балбуцла дазурбазир регионнизир жура-журала далдуцуни дурадуркIули сари.
Балбуцла ахирличиб М.ГIямаровли ва муниципалитетла вакилтани, заллизибти адамти сезаманалра кумекбарахъес районна администрациялизи дугьабизес бирар или буриб.
Сергокъалала районна администрацияла пресс-служба