f ok v in t y        Версия для слабовидящих

   Без возрастных ограничений

Гьаргси чемпионат — Лавашала шилизиб

Лавашаб миллатунала спортла абзанала ДР-ла Гьаргси чемпионат ва «Дубуртала тIама» бикIуси миллатунала далуйтала республикала фестиваль бетерхур. Илди далдуцуни чули чус гьуни чебиахъути хIянчизартала БархIилис ва азадли мушулбашантала ургав СССР-ла спортла мастер ветаурси ХIяпиз НурбяхIяндов (гьанна мицIирли агарси) 80 дус виънила хIурматлис багъишладарибтири.


БутIакьяндеш дарес бакIили лебри декIар-декIарти районтазибадра шагьуртазибадра 1000-личиб имцIали адам. Илдала ургаб лебри Ахъушала районна бекI ГIяхIмад МяхIярамов, ДР-ла Халкьла Собраниела депутат Мухтар ХаламяхIяммадов, ЖКХ-ла министрла заместитель ГIяхIмад ГIяхIмадов, Заур Кахриманов ва бахъал цархIилтира.
Лавашала районна администрацияла бекI Шамил Дабишев цалабикабтачи ванати саламтачил дугьаизур ва ХIяпиз НурбяхIяндовли районна спорт гьалабяхI арбукьяхъес кабихьибси пайличила буриб.
«Абзанала байрахъ» ахъбуцахъес ихтияр бариб КьулецIмала шилизивадси грепплинг спортла чемпион ветаурси ГIябдул-ГIязиз Пахрудиновлизи ва Дагъистара СКФО-лара рекордсмен, Лавашала шилизивадси Мя­хIям­мадсалам МяхIяммадовлизи.
Илар декIар-декIарти гIеркъадешуначи дуцIбикI­ни­ла, къаркъа ва гиря иргьнила, урчи дуцIдир­нила абзани дурадеркIиб. «Дубуртала тIама» фестивальлизир бутIакьяндеш дарес Лавашала, Ахъушала,Лакла, Гъунибла, Дахадаевла, Хайдакьла ва цархIилти районнтазибад да­лайчиби бакIилри.
Спортла абзани 100 ва 1500 метрличи гIеркъаначи дуцIбухъниличил дехIдихьиб.
100 метрличи дуцIбухъунтазивад цаибил мер буциб Руслан Максимовли, 1500 метрла дуцIбухъунтизивад гьалаикиб Дербентлизивадси Кьурбан Кьурбанов. 8 кг-ла къаркъа ва 32 кг-ла гиря ирнила шайчив чемпион ветаур Лавашала шилизивадси МяхIяммадсалам МяхIяммадов. ГIеркъадешличи тIяхIбулхъанти-ургав чедиикиб Ахъушавадси Арсен ГIябдулкаримов.
Кункси атлетикала абзаназир, къаркъа ва гиря ир­гьу­хIели, гIеркъаначи тIяхIбулхъухIели, гьаларти мера­ни дуциб Лавашала шилизивадси Заур ГIяли­хIя­жиев­­лира
2000 метрличи урчи дуцIдирнила абзаназиб гьалаб бакIиб «Кауфман» бикIуси уличилси М.Р.БяхIяндовла урчи. 4000 метрличи дуцIдарибти урчазибад биалли Нижний Жангутайлизибадси Т.ХIямзатовла «Динамик» бикIуси урчи чедибикиб. 6000 метрличи дуцIдарибти урчазибад Унцукульла районнизибадси ГIябдулла МяхIяммадовла урчи гьалаб сабаиб.
ДР-ла Гьаргси чемпионатличиб чедибикибтас кубокуни, ХIурматла Грамотаби ва дурхъати шабагъатуни дедиб.
Районна администрацияла пресс-служба

Администратор сайта. Начальник комьютерной базы.

                          Написать сообщение

Оставить комментарий

Последние комментарии

Новостные оповещения

Получайте новостные оповещения!

  • о чрезвычайных происшествиях
  • о политических новостях
  • о общественных новостях
Яндекс.Метрика Рейтинг@Mail.ru