ЗАМАНА - ТIутIила ва цIедеш­ла­ унхъри дахъдиур

Ириъ нушала респуб­ли­кализир 1,5 азир гектарла тIутIила унхъри имцIадиубтири, лябкьу­си дуслизибра азир гектарла ванза тIутIили бурцу.

ДР-ла шайчибси «Россельхозцентр» ФГБУ-ла гье дашахъуси отделла начальник Мурад МуртазагIялиевли бурни хIясибли, 2018 ибил дуслизир белкIла документуначил мардарибтири 1,6 миллионичир имцIали тIутIила мархIя.
ТIутIи дашахъутани бурни хIясибли биалли, илди диути ахIен, сенкIун нушала республикализир гьар дус 1,5 азир гектарличи тIутIила удалтути сари. Илцад ванзаличи удатес багьандан, 3 миллион тIутIила мархIя гIягIнидиркути сари.
«Мардирути белкIла документуначил 181 азир цIе­дешла галгубала мархIябира гIя­дат­ли­диубти унхъри кадатесра дал­кьаахъурли сари. Мисаллис, ириъ республикализир 1300 гек­тарла ванзаличи унхъри ка­да­туртири, илдазирад 700 гектарличи сабухъ лугути галгуби удатуртири. Илдигъунти мархIяби нушаб Краснодарла, Ставропольла крайтазирад ва Крымлизирад дихес чебуркъуб», — буриб М.Мур­та­за­гIя­ли­ев­ли.
Ишаб бурес чебиркур Да­гъис­тан тIутIи дашахънили­зиб Россиялизиб кIиибил мер­­ли­чиб биъниличила. Цаибил мер­личиб Краснодарский край саби.
«Удалтути лерилра мар­хIя­ба­ла сертификатуни диэс гIягI­ни­ти сари. ЦIедеш дашахъутани ах­тардидарили кьабулдарибти сари 22 гектарличирти тIу­тIи­ла ва 10,45 гектарличирти цIе­деш­ла (гIинцбала, хъярла, бягI­ла­ла, ку­регала, хурмала ва сирмугла) мар­хIяби. Илди лерилра журала мархIяби Госреестерлизи кадерхурти сари.
ИшбархIи нушала республикализиб 25 азир гектарла ванза тIутIили буцили саби, илдазирад 18 азир гектарличирти тIутIили сабухъ лугули саби. ЦIедешла унхърани буцили саби 26,5 азир гектарла ванза, илдазирад 20,7 гектарличиртани саби сабухъ лугуси»,—чеим­цIа­бариб бурусиличи гье дашахъуси отделла начальникли.

 

Прочитано 106 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А, 8-й этаж.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top