БегIлара гIяхIси тухтур

«Москвала бегI­ла­ра гIяхI­си бекI тухтур» би­­­­кIуси но­минациялизив дип­лом­ касиб дагъистанлан Ис­мя­гIил­ ГIус­ма­новли.

Красная Пресняличибси экс­поцентрлизиб декабрьла 5-6-ибти бурхIназиб «ГIямрула фор­мула» ибси уличил фес­ти­валь бетерхур, сабира Москвала медицинала цахIнабик — «Здоровье Москвы» би­кIу­си 17 ибил ассамблеялис мягI­ничебси балбуцли бетаурси.
Халаси мер кабуцили тах шагьарла арадеш балтахънила шайчирти сархибдешуначила ва сагадешуначила бурути дахъал экспозицияби гьаладихьилри. Москвала де­партаментла Башляевла уличилси биштIатала клиническая больницалира сунела экспози­ция гьалабихьиб. Илав сай бекI­ливиубси нефрологли узуси ИсмягIил ГIусманов. Ил больницали выставкаличиб жигарла бутIакьяндеш да­риб. БекI тухтурли бурни хIясибли, тухтуртала устадеш ва зIягIиптачи хасси хIеруди бирни дебали къа­лабали гьаладяхI дашули сари. «Нушала больницала хIян­чизартани выставкаличир бузерилизир пайдаладирути, са­гати тяхIурти гьаладихьиб. Ил­дала кумекличил хIянчилис кункдешуни алкIули сари, илкьяйдали тухтуртани мурталра чула устадешра гьаладяхI дикули, хIянчила даража ахъбирахъули саби», — викIи И.ГIусманов.
Москвала мэр Сергей Собянинни конкурсличиб чедибикибтас савгъатуни дедиб. Илаб шагьарла бегIлара гIяхIти специалистунала уми дуриб. Шабагъатбарибтала ургаб лебри НИИ Склифосовскийла директор Сергей Петриков, Москвала дахъал шалубарси, адамтала арадешла даража ахъбирнилизиб кумекбиру­си центрла руководитель Ан­на Федермессер ва бахъал цар­хIил­тира. «БегIлара гIяхIси бекI тухтур» ибси хIурматла лишан мэрла нябкъбазибад касиб Башляевла уличилси больницала бекI тухтур ИсмягIил ГIусмановлира.
С.Собянинни буриб, уста­­дешчебти тухтуртала гIяхI­деш­личибли, Москвала медицина гIергъити чумал дус дебали ахъси даражаличи абикниличила ва Москвализиб ургабил тяхIярли гIямру авал дусла духъяндитIниличила. Илкьяйдали амбулаторияби ва стационарти гьамаддиъни 10-нали имцIабиубли саби.