Сагали багьудлумачи бегI­ба­р­­ни

Россиялизиб пен­сия­ли­чи ар­кьу­тала дусми ахъдуцнила законни пенсияличи аркьути гIяхIцад адам­тала хIянчи бургниличил дархдасунти къиян­дешуни бел­гидарили сари. Иличил барх­­басахъи пачалихъла бекI­ли­диубти баркьудлумала бяхI­чибизуназибад цали бетарули саби пенсияличи аркьути са­нигIят касибти хIян­чи­зар­ти са­гали багьуд­лумачи бегI­бар­ни.

Цифровой экономика гьа­­лабяхI башнили бузе­ри­ли­зиб халаси асарбирули саби: хIянчиличил гIе­ву­циб­­деш барсбикIули саби, сани­гIят­ла­шалти хIян­чизар­тачи сагати хъар­баркьуни дакIудирули сари, багьахънибала-ком­му­ни­ка­циябала тех­но­логия­базиб специалистунала тIалаб­кар­­деш имцIабикIули саби. Ил багьандан ца­заманализиб адамтас экономикала лерилра кьялубазирти багьудлуми касес, гьаннала заманала программаби пайдаладирули багьахънибалашалти хIянчи дирес бурсибиэс гIягIнили са­би.
Р.ГIяшургIялиевла уличилси техника­ла колледжлизиб санигIятла устадеш ахъ­дурцути чеимцIати 29 программа гьаладихьили сари: «Веб-дизайн ва балкьаахъни», «Графикала дизайн», «Багьахънибала кабельла сетани», «Бизнесла программаби бекIдарни», «ХутIла ваяхI диршни», «Сетани ва низам-кьяйда дузахъни». Илди программабала кумекличил адамти Exsel электронный таблицаби дирес, веб-сайтуни алкIахъес, Adobe Photoshop дизайнна программа бузахъес ва цархIилти секIултачи бурсибирули саби.
Федеральный бюджетла кумекличил­ «Демография» бикIуси миллатла проект гIям­­рулизиб дурабуркIуси саби. Иш­дус­ли­­чибад бехIбихьили 50 дус биубти ва или­чибра халати адамтас илар бу­тIакьян­деш дарес имканбикIур. Илкьяйдали 50 дус­­личи ахIебикибти адамтасра асу­би­рар бу­­тIакьяндеш дарес (илдас хасси кагъар чебаахъес гIягIнибиркур). БелчIуди таман­барибхIели, хIукуматла учреждениебазиб ва вегIдешла предприятиебазиб бузути граж­данинтас хасси документ ва санигIят ункъли балнила Паспорт (Скиллс Паспорт) дед­лугути сари.
Багьудила шайчирти баянти дагьес дирудая гIергъити номертачи зянкъдяхъили: колледжла методист Кужева А.З., 8-988-638-06-67; директорла кумекчи Ражабова Ж.А., 8-906-450-33-62.