ЗАМАНА - Гьарилли асилси пай кабихьиб
Гьарилли асилси пай кабихьиб

Дагъистайзи бухI­на­берхурти хал­кьани-ур­габти къа­чагъуни тIу­­тIу­кьякья­­бариб­хIей­чирад 20 дус дик­нила байрам дурабуркI­нила да­зур­­базив, ДР-ла БекI В.Васильев 1999 ибил дус­лизир цаибти кьяркьти дургъби де­таурси БотI­лихла районнизи вякьун.

Ре­гионна руководитель ЦIу­мадала, БотI­лих­ла ва Но­волакла районтазибадти са­би гIя­хIъулали бургъули ка­лун­тачил – 1999 ибил дусла августла-сентябрьла анцI­бу­­кьу­нала бутIакьянчибачил гьу­ни­ваиб. Ил­дас «халкьани-ур­габти къа­чагъу­ни дар­ба­дя­­г­ъин­ба­рибхIейчирад – 20 дус» би­­кIу­ти ме­дальти дедиб.
Дагъиста БекIли арагIебли рес­публикала халкьли да­кIу­­дарибти гъабзадешличилара игитдешличилара буриб, илди къиликъуни улкала хъар­хIе­рагардеш датахъес мягI­­ничерти диъни аргъахъиб.
Регионна БекIли цIакь­барили буриб, ишди бурхI­назиб Дагъистай дебали мягI­­­ни­чебси анцIбукь-бал­буц шадлихъла аги-хIяйзиб ду­ра­буркIули саби или. 20 дус гьа­лаб дубурла районтала адамтас бургъес халати ус­тадеш лерти вайнукьабас къар­­шидеш дарес имкан­ба­кIибсири.
«ИтхIели хIушани фронт акIа­хъубсири. Ишаб лебти адам­тала, ва илди-ургаб ми­цIир­ли агартала, итхIелла хIя­ра­катлизи кабихьибси пай мекелли халаси саби. Илди анцI­букьуназиб гIяхIгъабзала беб­кIаличил алхунтачилара се­налра хъумхIертехIе», — ви­кIи ДР-ла БекI В.Васильев.
Гьунибаъниличив гъайухъунси саби гIяхIъулали бургъули калунтазивад цали Дагъиста ва Россияла руководстволис чу­чи пикри бяхIчиаънилис баркалла багьа­хъур, ва гьалаб кьяйдали, гьаннала гIергъира хIя­жат­бикалли, чула биштIаси ВатIан – Дагъистан ва Россияла Федерацияла мер-мусала аб­зур­деш датахъе­с дурабухъес хIя­дурли биъни аргъахъиб.

 

Прочитано 131 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top