ЗАМАНА - ХIурмат сархибти
ХIурмат сархибти

Дахъал къиян­де­шу­ни дяхIяурси, су­нечи хъарси че­бе­та­ахъили бируси адамли дугIла гъай хIедирули, сунела хIянчи бузахъули хIеркайрар.

Илдигъунти адамтазивадли сай Сагаси Вихърила шилизив хIурмат сархибси ЗубайрухIяжи МуртузагIялиев. Ил акIубси сай 1952 ибил дуслизив, гьалаб Дахадаевла районнизи кабурхуси Вихърила шилизив. Илар 1967 ибил дуслизир 8 класс тамандариб. ХIябал дус дикили гIергъи, Мя­хIячкъалала профтехучи­ли­ще белчIи, монтажникла са­ни­­гIят касиб ва ца дус юртани лу­шуси комбинатлизив монтажникли узи.
1971-1974-ибти дусмазиб Зубайру­хIя­жини гIярмиялизиб къуллукъбариб. Ур­чIемал баз Се­вастопольлизив, гIур - Баренцово урхьуличив. Ил подводник сай­ри. ГIяхI­цад замана Кубала да­зуличивра калун. ВатIа гьалабси чебла ахъиб­хIе­ли, ил хIябал дус совхозлизив узиб.
1978-1982-ибти дусмазив, шилизив бегI гьалаб, Мя­хIяч­къалализибси художественное училище белчIун. Къаякентла районна художестволашалси устаханализив чумал дус узиб.
ГIур цIелдуби дирулира калун. БиштIа­ти халакабаибхIели, илди мерлабарес, хIян­­чурбачи бяркъес дигули, ил хIянчи уббатур.
БусягIятла замана ил хIе­ри­рули сай Къаякентла районна Сагаси Вихърила шилизив ва жура-журала лацла, юртанала духIнарти, анхълизирти хIянчурби дирули узули сай.
ЗубайрухIяжини сунела гIям­рула рархкья ПатIи­мат­ли­чил пергер кулпет абикьур. Илала ца урши, Рустам Мур­ту­загIялиев, писатель, журналист, учитель ветаурли сай. Ил, школализив историяла дурсри кадирхьули, мугIяллимли узули сай.
Илкьяйдали хIялай хIер­ка­бируси хъалибарг саби Зубай­ру­хIяжила.

 

Прочитано 160 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top