ЗАМАНА - Гъабзадешла орден бедиб

Гьалавван Дагъистайзи бу­зе­ри­ла архIяличил вакIибси СКФО-лизивси РФ-ла Пре­зи­дентла АрагIерти ихтиюртачилси вакил Алек­сандр Матовников Дагъиста БекI Вла­димир Васильевличил варх алхунси Ма­рат Молчановла нешличил ва рузичил гьу­ниваиб, илдас Гъабзадешла орден бедиб.

М.Молчанов чихъси шабагъатличи лай­­икьикибсири 2000 ибил дуслизив веб­кIили гIергъи. А.Матовниковли, игитла гъам­тачи дугьаилзули, цIакьбарили буриб духIнарти къуллукъунала подразделе­ни­е­лизив узули, Маратли сунела чебла хъараахъур или. «Иш шабагъат мяхIкамли би­хIе­ная, хIушала уршиличи пахрубиреная», — викIи ил.
ДР-ла БекI В.Васильевли сунела шайзибадра М.Молчановла нешлизи халаси баркалла багьахъур: «Чесабиуси Нешла БархIила байрамличил бархбасахъи, ордена кавалерла неш сарливан, дигулра хIед халаси баркалла багьахъес, нушала лебилра нешанас кьяйдали».
Алхунсила нешра уршиличила гьанбикахънилис баркалла рикIулри.
ГьанбиркахъехIе, 2000 ибил дусла июньна 24-личив Марат Молчанов Гъабзадешла орденничил шабагъатлаварибсири, гIямрулис урехилати шуртIразиб дявила чебла ихъухIели дакIударибти гъабзадеш ва игитдеш багьандан.
Фамилиялизиб хатIа бетаъни багьандан, шабагъат бедлугнила балбуц гIела арбухибсири. Республикала руководстволи масъалаличи пикри бяхIчиаънила кумек­личил ил арзес имканбакIиб.

 

Прочитано 139 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А, 8-й этаж.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top