ЗАМАНА - ГIядатуни «мицIирдариб»

Сергокъалала районнизиб биш­­тIа­ти ва гIулухъаби-ур­гар­ гьа­лар­­ла санигIятуни «ми­цIир­­­да­рес» иб­си кьасличил хIянчи дура­дур­кIу­ли сари.

Ил­дазибад ца саби дар­гала царка (чIухъан) бирни. Гьалабван дурхI­нала пагьмуртала Юрт­лизиб ил тема­лис хасбарибси балбуц бетерхур.
— Балбуцличи нуша дахъхIи хIядур­ди­кIутири, — рикIи педагог, балбуц къел­гIеб­би­куси Загьидат ГIябдуллаева. - ДиштIати станокуни заказдарира, делкIунти гьимирти асира, гIягIнити лерилра ваяхI дучира. Нуша халаси иштяхIличил гьуцIдикIулри «хала нешлагъуна царкала» жура нушала някъбани барес.
Дурсри кадирхьуси замана гьаларла гIядатунала тарихличила, царкаби жагали дирнила хасдешуначила рурсбази балахъуси саби. ЦацабехIти илдас «чIянкIа» бикIули бирар. БекIбархIи илди ванадешлис пайдаладирутири, чIябарличи удушили. Гьаннала замана илди жагадешлис дузахъули сари.
Балбуцличиб илкьяйдали пикри бяхI­чи­аиб хала бегIтала «бухъа» бикIуси гIядат «ми­цIирбарниличира». Нушала хала нешани бухъаличи цалабикили, бала умудирутири яра гьимирти хIядурдирутири ва царкаби дирутири. ИшбархIи гьарахъти дубуртала шимазирцун ахIи, илгъуна гIядат камли къаршибиркули бирар. Хасти ваяхI дузахъули, рурсбани илкьяйдали, бахъхIи чучила хъумкартурти илдала умира гьандиркахъули сари.
— Халкьла гьаларла санигIятуни «ми­цIир­дарни» дебали мягIничебси хIянчи саби, сенахIенну, ил нушала хала бегIтани наслуличибад-наслуличи биахъуси культура саби, — буриб балбуцла ахирличиб дурхIнала пагьмуртала Юртла директор ГIябидат Кьагьировани.
Сергокъалала районна ­
багьахънибала Центр

 

Прочитано 964 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na foto     Фотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-67486 от 18 октября 2016 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 65-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
fa  in  ok  vk  yt  rss
Top