ЗАМАНА - ВягIда хIясибли къуллукъ­бир­ни

Хайдакьла ва Дахадаевла районтала дявила ­комиссариатлизиб вягIда хIясибли (контракт) гIяр­мия­лизиб къуллукъбирнила ­шайчибси совещание бетерхур. Иличир Хайдакьла ва ­Дахадаевла районтала дявила комиссар ГI.СягIидовли ва дявила ­ко­миссариатла жавабкардеш дихути хIянчизартани, ­Хайдакьла районна бекIла заместитель А.Мигьрабовли, Хайдакьла районна шимала бургани бутIакьяндеш дариб.

ВягIда хIясибли къуллукъ­бир­ни

«Нушанира балуливан, ишдусла февральличибад ­Украинала мер-мусаличиб Россияла хасси балбуц бетурхули саби, ­сунезирра нушала гIяскуртани, жагьилтани бутIакьяндеш ­дируси. Иличил бархбасахъи, нушаб вягIда хIясибли гIярмияла ­къяяназиб къуллукъбарес дигути адамти декIарбирнила шайчиб халаси хIянчи дураберкIес чебиркур. ВягIда хIясибли гIярмиялизиб къуллукъбирути мурул адамтани кабизахъурси алапа ­кайсуси саби, илди пачалихъла декIар-декIарти гIяхIдешуначил ва ­кункдешуначил пайдалабикIесра бирар», — викIи дявила ­комиссар.
Шимала бургачи дугьаилзули, жагьилти-ургаб иргъахънила хIянчи дурабуркIахъес маслигIятбариб ГI.СягIидовли.
Сунела яргализиб А.Мигьрабовли буриб: «Се­заманалра Россиялизиб ВатIан дигахъути, илис ­къул­лукъличи кабизурти адамти бирутири. Иш­бар­хIира ­илдигъунти адамти камли ахIен. Илдала лу­гIи­лизивадси сай ­Жавгъатла шила бекI ХIясанбек Мир­заевра. Илала гъай хIясибли, сунела уршиличил варх ил вягIда хIясибли гIярмияла ­къяйлизи кархес хIядурли сай. Ил багьандан хIяжатти ­документунира ­дурчули сари. Дила пикрили, цархIилти шимазибра ­илдигъунти гIяхIгъубзни бургар. Ил багьандан шанти цалабяхъили, ­иргъахънила хIянчи дураберкIес чебиркур».
Хайдакьла районна администрацияла пресс-служба

Прочитано 389 раз

О нас

ЗАМАНА . 0+. Учредитель: ГБУ РД ''Редакция республиканской газеты ''Замана''. Главный редактор: 
 
logo na fotoФотографии с маркировкой
взяты из открытых источников
 

СМИ

Сайт “Замана” (www.zamana.info), зарегистрирован Федеральной службой по надзору в сфере связи , информационных технологий и массовых коммуникаций . Свидетельство о регистрации средства массовой информации Эл № ФС77-78978 от 20 августа 2020 года..

Контакты

Адрес редакции: 367018, Республика Дагестан, г. Махачкала, пр-т Насрутдинова 1А.
Тел: 66-00-25.  E-mail: Этот адрес электронной почты защищён от спам-ботов. У вас должен быть включен JavaScript для просмотра.
 
  ok  vk  rss
Top