Халаси кьадрила анцIбукь

Дарган мезли дура­булхъуси жа­ми­гIят­ла-поли­ти­кала «Замана» газета ва «Ор­ленок-Да­гестан» газета Рос­сияла СМИ-ла сияхIлизир гIяхI­ти­гъун­тази халдарибти сари.

Ишди бурхIназиб, «Прессала мургьила фонд – 2022» ибси проектла бетуцлизир че­ди­ди­кибти изданиеби шаба­гъат­ладирнила дазурбазиб, Моск­­вализиб «Качественная прес­­са и перспективы ее разви­тия» иб­си мажлис бетерхур. Гьа­ладикибти-ургар «Зама­на» ва «Орленок-Дагестан» га­­зетабани декIарбухънила ли­­­шан гьанна кIинайс кайсули сари.
«Замана» газетала бекI редактор Арсен Юсуповла гъай хIясибли, МГУ-ла журфакла хабарла преподавательтазибадли ва дахъал дусмазиб гIяхIси хIянчи барибти федеральный изданиебала устадешчебти руководительтазибадли цалабикибси экспертунала кьукьяли ахъси кьимат гибни журналис­тикализиб дебали халаси кьад­рила анцIбукь саби.
«Нушани ахъли кьиматлабирулра чебяхIси журналистикала устадешчебти бархкьябала пикри. Миллатла прессали гьанна сагати имканти пайдаладирули сари. ВегIла мезличилцунра ахIи, урус мезличилра адамти битIакIести тяхIурти дузахъули, сайтла ва соцсетанала кумекличил гьаладяхI дашулра. СМИ-бала дазурбазиб илгъуна этномикс саби», — буриб Арсен Юсуповли.