Дагъистан Рес­пуб­­ли­­кала ре­гион­на управ­ле­ние­ла Центрла хIянчизарти бу­зе­­ри­ла архIяличил Даха­да­ев­ла районнизи бякьун. Гьу­­ни­баъ­нила дазурбазиб Центрла ру­ководитель СултIан ГIяб­ду­ралимовли районна ру­ко­водстволичил совещание ду­ра­бер­кIиб.

С.ГIябдуралимовли Дахадаевла районнизирти «Инцидент Менеджмент» ибси кабизли белгидарибти гIяхIцад челукьутачила гьанбушиб. Дагъистанна ЦУР-ла хIянчизартани, социальный сетаназир гьар бархIи адамти дугьабилзниличил бархбасахъи, мониторинг дурабуркIули саби. ИлхIели регионна цацадехIти мераначирти челукьутачила цахIнарти баянти гIячихъли белгидирули сари.
«Дагъистанна лерилра му­ниципалитетунала цала­бяхъуназир хIяракатлис бекI­деш­дирнила шайчирти Центрти акIахъубли сари. Илаб бузути адамтани дубурла шимазибти халкьличил чIумаси бархбас бузахъули саби, ва илдала челукьутачи халаси пикри бяхIчииули саби. Дахадаевла районнизибра Центрли дурабуркIуси хIянчила сабухъчебдеш чебаэсли саби», — буриб СултIан ГIябдуралимовли.
Дахадаевла районни­зиб ахъбуцибси бекIлибиубси­гъу­на масъала саби арадеш мяхI­камбирнила шайчибси. Кубачила шила халкь зигарбикIули саби флюорографияла аппарат хIебузниличила. ХутIла шала вайтIа башни сабабли ил заябиубли саби. Гьундури ремонтдирниличилара гъай детаур.
Районна бекIла къуллу­къуни заманалис дузахъуси Артур ХIямзатовли Центрла хIян­чизартас, гIяхIладли бакI­ни ва районнизир челукьутачи пикри бяхIчиаъни багьан­дан, баркалла багьахъур. А.ХIямзатовли буриб, гьарил гIяр­за хIясибли Дахадаевла рай­онна Центрли итмаданал масъала арзес кьасбирули саби или. ХIяжатбикалли, Центрла хIянчизарти сегъуна-биалра анцIбукь кабикибси мерличи букьесра гIела битIикIули ахIен.