Масъултачила гьанбушиб

Улкала Президент В.Пу­тинни 2019 ибил дусла фев­раль­­ла 20-личиб Россия Фе­де­рацияла Фе­де­­ральное Соб­­раниеличи Ду­гьа­биз бархьиб­сири, су­не­зирра Россия гьалабяхI баш­нила бекI­лидиубти бяхI­чи­бизуни гьа­ла­ди­хьибси. Ду­гьа­биз гьан­на ул­кала лерилра мер-му­са­ли­чиб пикрибирули саби.

РФ-ла Президентла Дугьабиз илкьяйдали пикрибариб мартла 14-личиб Сергокъалала районнизиб, КЦСОН-лизиб. Центрла лебилра хIянчизартала гьалав гъайухъун районна бекIла заместитель Зубайру ГIумаров. Илини Дугьабизлизир гьандушибти мягIничерти масъултачила гьанбушиб, сарира нушала арагIебли улкалис, ил лугIилизир — нушала районнисра, аргъбаибтили детаурти. Нушала районничила гъайикIули, илини дарибти ва дарес хIяжатти хIян­чи­ли­чи­ла­ра буриб.
— Сен Дугьабиз КЦСОН-лизиб пикрибируси, се­на­хIенну Дугьабизлизиб дебали халаси пикри бяхIчииули саби социальный масъултачи, илди сари пенсиябала законодательствола, пособиебала, шимала учительти гIеббурцнила масъулти, — викIи Зубайру ГIумаров.
Илала гъай хIясибли, ишдуслизир чедетаахъили къулайдарили сари 2 школа, гьатIира 3 школа сагадиру. Сер­гокъала-Кичи-ХIямри шинна провод кабирхьнила шайчирти хIянчира ишдуслизир даим­дарили дирар.
Дугьабиз пикрибирули, илкьяйдали гъайухъун КЦСОН-ла директорла заместитель ХIя­бибуллагь Идрисов.
Зубайру ГIумаровли цалабикибтала суалтас жавабтира дедиб.
Сергокъалала районна
администрацияла
багьахънибала Центр