Цаибил мер буциб

Лавашала районна бекI Шамил Дабишев грэпплингла шайчив Европала кIина ва дунъяла кIина чемпион ветаурси МяхIяммад Жарбаевличил гьуниваиб.

Спортсменни декабрьла 11-12-ибти бурхIназиб Москвализир детерхурти абзаначиб цаибил мер сархиб.
Гьанна ил 15 дус спортлизив сай.ДекIар-декIарти абзаначир бутIакьяндеш дирули, гIяхIцад дусмазив ил шайчив жигарчевли гьалавяхI вашули сай.
Гьунибаъниличиб районна бекIли чеалкIуси наслу спортлизи ихъахънила мягIничебдешличила аргъахъиб. Сунела яргализиб, абзаначив чедиикибсини биалли, челябкьлализир дарес пикридарибтачила гьанбушиб.
Ихтилатла дазурбазиб, районна руководстволи спортсменти гьар шайчибад гIеббуцес хIядурли биъниличила буриб. «Чедибдешличил мубаракирулри, гьаннала гIергъира халати шабагъатуначи лайикьиркули дигулра», — викIи районна бекI.