Нушани илгъуна уличил балбуц дурабуркIулра. Илала мурад саби гьести гIямрула адамтала-ургаб коронавирусла чейхъуси изайс къаршидеш дируси прививка барахъибтас 2022 ибил дуслис газета къулбасбарни.
БутIакьяндеш дарес багьандан, прививка барахъни марбируси кагъар ва хIерируси мерла адрес дархьес дирудая. БегI гьалар нушачи илди дархьибти вецIал адамлис, лябкьуси дуслис газетара къулбасбирехIе. ХIера, нушачи гьанналис гьалар баянти дархьибтала уми гьандуршулра: Хайдакьла районна Сурхачила шилизивадси ХIясанов МяхIяммад ГIябдусаламович, Къарабудагъкентла районна Сирагьила шилизивадси МяхIяммадов Ибрагьим Хидирбекович, Сергокъалала районна Сергокъалала шилизивадси Ибрагьимов Ибрагьим МяхIяммадович ва Ахъушала районна Урганила шилизивадси ХIяжиев МяхIяммад ГIямарович.
Сертификатуни дурхьухIели, хIербируси мерла дурусси адрес баянбарили дигахъира, кьакьала у ва юртла номерра делкIи. Почтализибад газета къулбасбирухIели, илдигъунти баянти чараагарли хIяжатдиркули дирар. ГIуррара урегал адамли балбуцлизир бутIакьяндеш дарес бирар. Чедир гьандушибти баянтачилара хъуммартидая.
